Qandastar qarymyn baıqatady

Jyl saıyn qazaq tili men ádebıeti páni boı­ynsha synǵa túsip, dástúrge aınalǵan olım­pıada bıyl Dúnıejúzi qazaqtarynyń qu­ryl­ta­ıy qarsańynda Aqtóbe qalasynda jalaýyn kó­ter­di. «Daryn» ǵylymı praktıkalyq or­ta­ly­ǵy uıytqy bolǵan olımpıada Q.Jubanov atyn­daǵy Aqtóbe memlekettik ýnıversıtetinde eki kezeń boıynsha ótti. Ortalyqtyń dırektory Sholpan Qıra­ba­eva­nyń aıtýynsha, «Qazaqstan – atajur­tym, qasıetim, ana tilim» atty kezekti XIV ha­lyq­ara­lyq olımpıada saıysy eki kezeńnen turady. Bi­rinshisi, jazbasha shyǵarmashylyq jumystar, ekinshi kezeń aýyzsha áńgime túrindegi syn. Osyǵan oraı Qytaı, Iran, О́zbekstan, Mońǵo­lııa jáne Reseıden kelgen oqýshylar bi­rin­shi kezeńge saı jazba jumystaryn qazylar al­qa­synyń nazaryna usyndy. Osy tusta onyń qu­ramy elimizdegi elıtarlyq joǵary oqý oryndarynyń bilikti professorlary men ǵylym doktorlary jáne kandıdattary arasynan iriktelgenin aıta ketken jón. Munyń ózi jumys qorytyndylaryn baǵalaý isine uıymdastyrýshylar tarapynan úlken mán berilgenin kórsetedi. Qazylar alqasynyń tóraǵasy, belgili ǵalym Qulbek Ergóbek: «Búginde olımpıadanyń túrleri kóbeıdi ǵoı. Degenmen, máni men mańyzy jaǵynan já­ne shet eldegi qandastarymyzdyń joǵalta bas­taǵan ulttyq qundylyqtaryn túgendeýde bul olımpıadaǵa eshqandaı baǵa jetpeıdi. Ha­lyqaralyq deńgeıdegi baq synaýǵa qaty­sa­tyn oqýshylardyń bári de shet elderde oqıtyn qazaq dıasporalarynyń balalary. Sondyqtan, komıssııa músheleri olardyń shy­ǵarmashylyq qyzmetine sál jeńildikpen qa­raǵany jón. О́ıtkeni, ózge memleketterdegi pán­der baǵdarlamasy men elimizdegi baǵdar­la­ma­nyń biraz aıyrmashylyǵy bar», dedi. Bul olımpıadaǵa qatysýshylardyń esh­qaısysy da utylmaıdy. О́ıtkeni, jeńimpazdar Qazaqstandaǵy joǵary oqý oryndarynyń birine grantpen qabyldanady. Bul olımpıadaǵa shet eldegi qazaq dıasporalarynyń balalary jeti synyptan bastap qatysa alady. Al granttar tek joǵary synypta oqıtyn oqýshyǵa be­riledi. Sońǵy jyldary dástúrge aınalǵan olım­pı­adanyń jeńimpazdaryna grant bólýge Abaı atyndaǵy Qazaq ulttyq pedagogıkalyq ýnı­versıteti, L.N.Gýmılev atyndaǵy Eýrazııa ulttyq ýnıversıteti, Q.Iаsaýı atyndaǵy Ha­lyq­aralyq qazaq-túrik ýnıversıteti men basqa da joǵary oqý oryndary qoldaý kórsetip keledi. 

Temir QUSAIYN, «Egemen Qazaqstan» AQTО́BE