Baspana máselesin generaldarsha sheshý

Ár qyzmetkerdiń áleýmettik máselesin biletin basshy Búgingi tańda úısiz-kúı­siz qyz­metkerdiń jaıy da bolmaı­tyndyǵy, jumysy da mandymaıtyny belgili. Árıne, qyzmet babynda polısııa qyzmetkerlerine qoıylatyn talap qatań, jumys ta jaýapty. Alaıda polısııanyń baspana jaıy da, basqa máselesi qaperde bola bermeıtini  málim.  Degenmen, polısııa generaly Berik Bilálov  basshy retinde árbir qyzmetkerdiń úzdik bolýymen birge, jaǵdaıy da bolǵanyn, jumysyn da durys atqarǵanyn  qalaıtyny aıan. О́ıtkeni, ózi bir kezde osy salaǵa úzdikterdiń ishinen iriktelinip kelgenin biledi.   Qaı jumysqa jegilse de, jaýap­kershilikti umytpaı, izinen ilesken jas mamandardy kásipqoılyqqa mashyqtandyryp kele jatqan polısııa generalynyń mansap joly da  jeńil emes.   Aldymen basshy retinde jeke quramǵa qamqorlyq tanytyp otyrýy Berik Bilálovtiń adamı bolmysyn asha túsedi. Ol kisi osy bas­shylyqqa kele salysymen bi­rinshi kezekte jeke quramnyń jaıaý sandalmaı, úıden jumysqa, ju­mystan úıge avtobýstarmen tasylýyn qamtamasyz etipti. Al endi jumys jumysymen, odan da bólek ujym músheleriniń bitpeıtin áleýmettik máseleleri, turmys jaǵdaıy taǵy bar. Iаǵnı, polısııa salasyna kelip jatqan jas otbasylarǵa, jańa mamandardyń barlyǵyna da birinshi kezekte bas­pana kerek.   Osylaısha, IID basshysy ser­janttardyń baspana máselesin sheship berýge umtylyp otyr. Mysaly, 2017 jyly sáýir aıynda QR IIM Ishki áskeriniń №6637 áskerı bólimshesiniń balansyndaǵy Iа.Gashek, 20A kóshesine ornalasqan jataqhananyń IID balansyna be­rilýine qol jetkizse, bul qadam óz kezeginde 40 qyzmetkerdi bas­panamen qamtamasyz etti. Bıyl osy jataqhana kúrdeli jóndeýden ótip, jańadan salǵandaı jar­qyraı túspek. Qazirdiń ózinde ǵımaratty kúrdeli jóndeýden ótkizý jónindegi qujattardyń jo­balyq-smetalyq qujattary ja­salyp, oǵan memlekettik saraptama jasalýda. Eger bul jospar sátimen atqarylsa, onda áleýmettik máseleniń taǵy legi sheshilip, ishki ister organdary qyzmetkerleriniń turmysy áldeqaıda túzeledi. 

Polısııaǵa da páter kerek Quqyq qorǵaý organdarynyń qyzmetkerlerin úımen qamtamasyz etý máselesiniń durys sheshilýi úshin Soltústik Qazaqstan oblystyq IID basshylyǵy «Qazaqstannyń turǵyn úı qurylys jınaq banki» AQ-men qoıan-qoltyq jumys istep, belsendi áriptestik áreketke barýǵa asa mán berdi. Máselen, «Qazaqstannyń turǵyn úı qurylys jınaq bankiniń» qyzmetkerleri páterli bolýdyń tıimdi joldaryn usynatyn baǵdar­lamalaryn túsindirý úshin generalǵa ótinish aıtqanda, ol kisi birden aýdıtorııa bólip qana qoımaı, qyzmetkerleriniń qyzyǵýshylyq tanytyp otyrǵanyn bilip, ózi de olarǵa qoldaý kórsetti. Bank ókilderiniń IID ǵımaratynda kez­desýi osymen aıaqtalmaı, nátı­jesinde nasıhat jumystaryna qolaıly bolýy úshin «Qazaqstannyń turǵyn úı qurylys jınaq bankiniń» qyzmetkerleriniń keńes bólmesi paıda bolady.   Eń atap óterligi, memlekettik baǵdarlamalar boıynsha baspanaly bolýdyń talap-tártipteri barsha úshin birdeı ekeni aıan. Alaıda, general qala ákimdigi arqyly turǵyn úıdiń árbir sharshy metriniń baǵasyn 125 myń teńgeden 115 myń teńgege deıin túsirýge qol jetkizgen.  Sonymen, ústimizdegi jyly «Qazaqstannyń turǵyn úı qurylys jınaq bankine» «Nurly jer» baǵdarlamasy boıynsha Oral kóshesindegi turǵyn úıden páter alýǵa Soltústik Qazaqstan oblysy departamentiniń 49 qyzmetkeri ótinish berse, qazir 9 qyzmetker qonys toıyn toılaýǵa ázirlenip jatqan jaıy bar. Aldaǵy kúnderi taǵy da toǵyzy baspanaly bolatyn bolsa, munan bólek jeke quramdaǵy 37 qyzmetkerdiń turǵyn úı máselesin oń sheshýge múmkindik týyp tur.  Munan da bólek, keler jyly Ishki ister departamentiniń qyzmetkerleri úshin «Qazaqstannyń turǵyn úı qurylys jınaq bankiniń» «О́z úıim» baǵdarlamasy arqyly 72 páterlik turǵyn úıdiń qurylysy josparlanǵan. 

Kez kelgen mamandyq aldymen adamǵa qyzmet etedi Aıtpaǵymyz da osy, qaıda júrse de, qandaı ujymdy basqarsa da aınalasyna tek qaıyrymyn tıgizetin adamdar bar. О́mirdi ózgertetin de izine jaqsylyq ilesken osynaý jandar.  Qazirdiń ózinde soltústikte general Berik Bilálov úlgisine basqa salanyń da basshylary elikteı bastapty. Banktiń aımaqtyq bólim­shesine sot organdary men zaýyt­tardyń jetekshileri kele bastaǵan. – Berik Bilálovtiń  qaraýynda qyzmetkerlerdiń baspana máselesine kóz jumbaı qaraǵanynyń arqasynda, úıli bolýdyń joldary sheshilip otyr. Bul naǵyz generaldyń isi. «Qazaqstannyń turǵyn úı qurylys jınaq banki» de óz kezeginde bir ǵana óńirdegi polısııalardyń ǵana emes, keshendi turǵyda búkil aımaqtaǵy quqyq qorǵaý qyzmetkerleriniń páterge qol jetkizýine yqpal etýge daıyn. Sol úshin qazir bizder aýqymdy jumystar júrgizip otyrmyz, – deıdi «Qazaqstannyń turǵyn úı qurylys jınaq banki» AQ basqarmasynyń tóraıymy Lázzat Ibragımova.  Al aımaqtaǵy departament qyzmetkeriniń qaı-qaısysynan surasańyz da, Soltústik Qazaqstan oblystyq IID bastyǵy Berik Bilálovtiń ishki ister salasyna ǵana emes, basqalarǵa da úlgi ekenin aıtady. Oblysta qandaı da mańyzdy sharalar men aıtýly oqıǵalardyń bel ortasynda júredi. О́z isin tamasha bilip qana qoımaı, jumystyń sapaly oryndalýyn talap ete alatyn general jastarǵa da úlgi. Biraq, birinshi kezekte qyzmetkerdiń jaǵdaıyn jasaýdy umytpaıtyn basshy, jumys sapasyn osylaı arttyryp otyr. Qysqasy, 2012-2015 jyldar ara­lyǵynda О́ńirlerdi damytý baǵ­darlamasynyń aıasynda búginge deıin soltústikte 978 páterlik 17 tur­ǵyn úı paıdalanýǵa berilgen. Bul páterlerdiń jalpy aýmaǵy 59,2 myń sharshy metrdi qurasa, quny 7 093 mıllıon teńgege bolady.  Al 2016-2017 jyldary Sol­tús­tik Qazaqstanda «Qazaq­stan­nyń turǵyn úı qurylys jınaq ban­ki» júıesi arqyly jalpy kólemi 14,2 myń sharshy metrlik 220 pá­terlik 3 ǵımarat salyndy. Ús­timizdegi jylǵa 794 páterlik 10 ny­­sannyń qurylysy josparlanǵan. Nátıjesinde 1014 páterlik 13 tur­ǵyn úıdiń paıdalanýǵa berilýi aımaqtyń turǵyn úı qurylysy salasynda buryn-sońdy bolmaǵan rekord desek te bolady. 

Aınash ESALI, «Egemen Qazaqstan»