Buǵan deıin kompanııa aýdandyq jáne qalalyq aýrýhanalarǵa medısınalyq jabdyqtardy satyp alý úshin 311 mln teńge bólgen-di. Bul qarajat óńirdiń 13 medısınalyq mekemesine berilgen bolatyn. Sońǵy bes jylda kompanııa Shyǵys Qazaqstandaǵy túrli áleýmettik nysandardyń qurylysy men jóndeý jumystaryna 6,6 mlrd teńgeden astam qarajatyn jumsaǵan kórinedi. Toptyń qarjylandyrýy arqasynda О́skemen qalasyndaǵy «Vostok» stadıony, Semeı qalasyndaǵy «Spartak» stadıony jóndelip, Jezkent kentindegi Mádenıet úıi kúrdeli jóndeýden ótti. Oblys ortalyǵynda eki hokkeı modýli, Jekpe-jek saraıy, Sporttaǵy daryndy balalarǵa arnalǵan mektep-ınternat, Memlekettik nyshandar kesheni salyndy. Semeı qalasyndaǵy sport-ınternatynyń jatyn ǵımaraty men sport mektebi janyndaǵy kúres zalynyń qosymsha ǵımaraty boı kóterdi. Sonymen qatar, Shyǵys Qazaqstan oblystyq aýrýhanasy ortopedııalyq jáne travmatologııalyq operasııalarǵa arnalǵan jabdyqtarmen qamtamasyz etildi. Kompanııa Respýblıkalyq gematologııa ortalyǵynyń qurylysyn da qarjylandyrýda.
Azamat QASYM,
«Egemen Qazaqstan»
О́SKEMEN