Birneshe jyl buryn, Uly Otan soǵysyndaǵy Jeńistiń 70 jyldyǵy qarsańynda Oral qalasynyń zııaly qaýym ókilderi urys dalasynda qazaqtyń uldarymen birge abyroımen elin qorǵaǵan qaharman qyzdaryna eskertkish qoıý usynysy túsken edi. Osyǵan oraı Batys Qazaqstan oblysy ákimdigi respýblıkalyq baıqaý jarııalaǵan. Memlekettik komıssııanyń sheshimimen 2015 jyldyń 18 naýryzynda ashyq konkýrsqa usynylǵan 11 jobanyń ishinen músinshi Nurlan Dalbaıdyń jobasy tańdap alyndy. Bul avtor – Oral qalasyndaǵy Abaı men Syrym batyr tulǵasyn, sondaı-aq Atyraýdaǵy Dına Nurpeıisovanyń, Astanadaǵy Kenesary hannyń, taǵy basqa belgili músinderdi somdaǵan tanymal sheber.
Eskertkishtiń ashylý sharasyna Batys Qazaqstan oblysy ákiminiń birinshi orynbasary Arman О́teǵulov, Qazaq KSR-niń halyq ártisi, ánshi, kompozıtor Eskendir Hasanǵalıev jáne Uly Otan soǵysynyń ardagerleri Hamza Safın, Muhtar Ájiǵulov, Ivan Gapıchter qatysty. Shara barysynda teatrlandyrylǵan kórinis qoıylyp, patrıottyq ánder shyrqaldy. Jınalǵan jurt el basyna kún týǵanda atqa qonǵan arý qyzdar eskertkishine gúl shoqtaryn qoıdy.
– Bizge beıbit kúndi jaqyndatqan maıdan ardagerlerine árqashan basymyzdy ıemiz, - deıdi Sovet Odaǵynyń batyry Mánshúk Mámetova mýzeı-úıiniń dırektory Svetlana Bektenova. Oraldaǵy jańadan ashylǵan kompozısııada ortada Mánshúk, eki jaǵynda Álııa men Hıýaz beınelengen. Eskertkishtiń bıiktigi 3,6 metr. Aıta keteıik, dál osy alańda 1988 jyldan beri Sovet Odaǵynyń batyry Mánshúk Mámetovanyń pýlemet lentasyn qolyna ustaǵan músini turǵan bolatyn. Músinshi Hákimjan Naýryzbaevtyń qolynan shyqqan bul týyndy restavrasııadan ótken soń BQO aýdandarynyń birine ornatylmaq.
Jańa eskertkish – 1941-1945 jyldary UOS-nda óshpes erlik kórsetken qazaqtyń qaharman úsh qyzyna ornatylǵan tuńǵysh ortaq týyndy. Buǵan deıin Almaty qalasynda Álııa men Mánshúkke arnalǵan kompozısııa Tóle bı kóshesinde (Astana alańy aldyndaǵy baq) ornatylǵan. Ol eskertkishtiń avtorlary shyǵarmashylyq ujym jetekshisi S.Q.Baımaǵambetov, músinshi Q.Satybaldın, səýletshiler T.Eralıev, V.Sıdorov, M.E.Erkinov bolǵan edi.
Qazbek QUTTYMURATULY,
"Egemen Qazaqstan"
ORAL
Sýretti túsirgen Oksana KATKOVA