Munaı-gaz salasyndaǵy jan-jaqty kelisimder

Alǵashqy shara – EKSPO qalashyǵyndaǵy Italııa Res­pýblıkasynyń pavılo­nynda ótti.  «Enı SpA» kompa­nııasynyń seriktesi «AdjıpQarashyǵanaq B.V» kompanııasy men «QazMunaıGaz» Barlaý О́ndirý» aksıonerlik qoǵamy arasynda áriptestik memorandýmdary túzilip, «QazMunaıGaz» BО́» AQ bas dırektory Qurmanǵazy Esqazıev pen «Enı SpA»-nyń barlaý jáne óndirý boıynsha bas dırektory Antonıo Vella qujattarǵa qol qoıdy.  Atalmysh qujatta taraptar kómirsýtegin barlaý jáne óndirý boıynsha áriptestikti damytýǵa kelisti. Negizinen taraptar kómir­sýtegini geologııalyq bar­laý men óndirýdegi, oǵan qosa noý-haý jáne eń jaqsy táji­rıbelermen almasý boıynsha teh­nologııalyq áriptestiktiń múmkin bolǵan bastamalaryn anyqtaýǵa tyrysatynyn jet­kizdi. Bul maqsatta eki tarap taldaý nátıjelerin úıretýge, sondaı-aq, geologııalyq jáne óndiristik úderisterdi zertteýge  baǵyttalǵan konsýltasııalar ótkizýge nıetti. Sondaı-aq, qujattyń ma­ńyzdy bir bóligi QMG BО́ kom­panııasynyń qyzmetkerler toby úshin trenıng baǵdarla­malaryn júzege asyrý bolyp tabylady. Muny «Enı SpA»-nyń barlaý jáne óndirý boıynsha aldyńǵy qa­tarly tájirıbesin úıretý úshin  «Enı SpA»-nyń ózi qolǵa alady.  Bul týraly «QazMunaıGaz» Barlaý О́ndirý» AQ basshysy Q.Esqazıev túsinikti etip aıtyp berdi. «Osy aıdyń bas jaǵynda Mılan qalasyna baryp keldim. Onda meni Antonıo Vella myrza kútip aldy. Onyń aldynda jasalǵan kelisimshartqa sáıkes, «Enı SpA» kompanııasy «О́zenmunaıgazdyń» ınjenerler tobyn oqytqan edi. Olar jarty jyl boıy geologııa jáne geofızıka, óndirý jáne burǵylaý, munaı ken oryndaryn jobalaý, tehnıka qaýipsizdigi salalalary boıynsha kompanııanyń korporatıvti ýnıversıtetinde bilim aldy. Mine, 5 maýsymda men bizdiń 12 munaıshynyń ar­naıy jasalǵan oqytý baǵ­darlamasyn aıaqtap, sertıfıkat alýyna qatystym. Endi olar «Enı SpA» kompanııasynyń óndiristik nysandarynda táji­rı­beden ótýde», degen ol me­mo­randýmnyń mańyzdy bir bóligi qyzmetkerlerge arnalǵan trenıngti baǵdarlamalardy jal­ǵastyrýǵa arnalǵanyn má­limdedi. Iаǵnı, atalǵan 12 mu­naı­shydan ózge taǵy da toptar ja­saqtalyp, Mılanǵa jibe­ril­mek. Biraq bul joly oqý qara­ja­tyn qazaqstandyq munaı-gaz kom­panııasy shyǵaratyn bolady. «QazMunaıGaz» Barlaý О́ndirý» aksıonerlik qoǵamynyń basshysy qol qoıǵan ekinshi bir qujat – úshjaqty kelisim týraly Memorandým. Bul shara EKSPO qalashyǵyndaǵy «Shell» konserniniń pavılonyn­da ótti. Áriptestik týraly Me­mo­randýmǵa «QMG» BО́» Aq bas dırektory Qurmanǵazy Esqazıev, Qazaqstandaǵy «Shell» konserniniń tóraǵasy jáne Apstrım vıse-prezıdenti Dan­kan van Bergen, sondaı-aq, «QazMunaıGaz» óndirý jáne bur­ǵylaý tehnologııalary ǵy­lymı-zertteý ınstıtýty bas dı­rek­torynyń mindetin at­qarýshy Devıd Djon Szabo qol qoıdy.   Memorandým aıasynda QMG BО́ men «Shell» kompanııasy munaı-gaz salasy boıynsha birlesken túrli jobalarda áriptestikti damytý men nyǵaıtýǵa nıetti. Eki tarap ta QMG BО́ kompanııalar toby aldynda turǵan strategııalyq tapsyrmalar boıynsha munaı-gaz salasyndaǵy birqatar bastamalardy zertteýge jáne múmkin­di­gin­she júzege asyrýǵa múddeli. Al úshinshi tarap, ıaǵnı atalmysh ǵylymı-zertteý ınstıtýty bastamalardy júzege asyrý múm­kindigin talqylaý barysyn­da konsýltasııalyq qoldaý kórsetedi. «QMG»BО́» AQ pen «Shell» kompanııasy munaı alý ádisterin arttyrýdy júzege asyrý múm­kindigin, otandyq kompanııa tańdaǵan ken oryndarynyń óndi­ristik tıimdiligin birlesip zertteýge nıetti. Bul qazaqstandyq kompanııanyń birqatar jobasyn tehnıkalyq-ekonomıkalyq baǵalaý júrgizýdi qoldaýǵa da qatysty.  Memorandým aıasynda tá­ji­rı­be almasý boıynsha is-sha­ra­lar, QMG BО́ qyzmet­ker­le­rine oqytý kýrstary men múm­kin bol­ǵan taǵylymdamalar uıym­das­tyrý qarastyrylǵan. Qujatqa qol qoıý rásimi aıaqtalǵan soń taraptar atynan kompanııalardyń basshy­lary lebizderin bildirdi. Q.Esqazıev óz sózinde memorandým aıasyndaǵy pýnkttermen tanystyrsa, «Shell» konserniniń tóraǵasy jáne Apstrım vı­se-prezıdenti Dankan van Bergen Memorandým arqyly Qazaqstannyń munaı-gaz salasyna úles qosa alatyndyqtaryn jetkizdi. «Biz qoldaý kórsetýge, óz tájirıbemizben bólisýge da­- ı­ynbyz», dedi ol.

Qalmahanbet MUQAMETQALI, «Egemen Qazaqstan»