Al Almatyǵa qaıta oralsaq, 3,5 shaqyrymnan turatyn «Iаrkokross-2017» V áleýmettik mereıtoıly jarysy túrli-tústi boıaýlarǵa toly boldy. Mereke izdegen qala turǵyndaryn serpiltip ótken bıylǵy sharaǵa Almaty qalasynyń ákimdigi men TURAN tabıǵı mıneraldy sýy brendine qosa, «Tal otyrǵyz» qory uıytqy boldy. Bul jarystyń basty erejesi – árbir qatysýshy sóreden aq kıimmen shyǵyp, 5 ara qashyqtyqty túrli-tústi qaýipsiz boıaýly «bulttar» arasynan júgirip ótip, márege barynsha boıaýlarǵa malyna jetýi tıis. Bireý qabyldar, bireý qabyldamas, bul da bolsa kópshiliktiń nazaryn sportqa aýdarýǵa baǵyttalǵan. Bıyl da osy áleýmettik jarysqa muryndyq bolyp, 10 tonna boıaý ǵana emes, 15 myń lıtr sý jumsaǵan kompanııanyń marketıng dırektory Ásel Jaqypova: «Bıyl biz erekshe kóńil-kúı men densaýlyq marafony aýqymynyń keńeıýine jáne Qazaqstannyń 7 qalasynda uıymdastyrylýyna sebepker boldyq. Iаrkokross Almatydan bólek, maýsym jáne tamyz aılarynda Býrabaıda, Astanada, Qaraǵandyda, Pavlodar men Aqtóbede jáne Shymkentte ótedi. О́tken jyly biz myń shaqty qatysýshy arasynda saýalnama júrgizgen kezde adamdardyń 80 paıyzy kóńil-kúıin kóterý úshin keletinin bilgen edik. Eń bastysy, jarysqa qatysýshylardyń teń jartysy muny densaýlyqtyń negizgi faktory dep esepteıdi», deıdi. Iаrkokross paıda bolǵaly beri Almatynyń Almaarasan shatqalyndaǵy Naýaı kóshesi boıynda 400-den astam aǵash otyrǵyzylyp, qalada sport alańy salynyp, qala skverleriniń birinde oryndyqtar ornatylǵan. Al bıyl «Almaty haıýanattar baǵy» MQKK aımaǵynda 500-den astam aǵash kósheti men butaly ósimdik otyrǵyzylady.
Aınash ESALI, «Egemen Qazaqstan»
ALMATY