El dáýleti eselene túsedi

Atyraý oblysynyń ákimi Bergeı Rysqalıev oblystyq máslıhat depýtattary aldynda esep berdi Munaıly Atyraýdyń dáýleti jyl saıyn artyp keledi. Má­se­len, bıylǵy 8 aıda 2 trıllıon 762 mıllıard teńgeniń ónerkásip ónimi óndirilgen. Bul týraly Atyraý oblysynyń ákimi Bergeı Rysqalıev oblystyq máslıhat de­pýtattarynyń aldynda esep berýinde málim etti. Onyń aı­týyn­sha, táýelsizdik tańy atqaly bergi 20 jylda munaıly óńirde óndirilgen ónim kólemi 2,8 trıllıon teńgege deıin, nemese 600 esege ósken. Bul – el dáýleti eselengeniniń aıqyn dáleli. El táýelsizdiginiń 20 jyldyq mereıli jylynda óńir ekono­mı­kasy órken jaıdy. Naqty derekke súıener bolsaq, jyl basynan bergi 8 aıda naqty sektorǵa 700 mıllıard teńge ınvestısııa sa­ly­nypty. Bul qarjy ekonomı­ka­nyń barlyq derlik salasyndaǵy órkendi isterdiń keń qanat jaıýy­na serpin bergeni daýsyz. Sonyń naqty mysaly retinde osy kezeńde 4 ındýstrııalyq irgeli joba iske asyrylyp, olarda 233 jańa jumys orny qurylǵan. «Jyl aıaǵyna deıin jalpy quny 17 mıllıard teńgelik 10 ınves­tı­sııalyq jobany iske asyrý aıaq­talady. Bul óńirde taǵy da 1800 jańa jumys ornyn ashýǵa mol múmkindik berip qana qoı­maı, el dáýletiniń eselenýine de oń yqpal etedi», dedi óńir bas­shysy Bergeı Rysqalıev. Atyraý burynnan ınves­tı­sııa­lyq aımaqqa aınalǵany ja­sy­ryn emes. Buryn munda sheteldik jáne otandyq ınves­tı­sııa­nyń basym bóligi aldymen munaı-gaz sektoryna, ken óndirý, óńdeý ónerkásibine baǵyttalsa, endi sońǵy jyldary ózge mashına jasaý óndirisi, medısına sekildi salalarǵa quıyla bastady. Máselen, bıyl Atyraýda «Floý­serv-Qazaqstan» seriktestiginiń sorǵy jabdyqtaryn jóndeıtin servıs ortalyǵy ashyldy. Jo­ba­ǵa salynǵan ınvestısııalyq qar­jy­nyń 2,5 mlrd. teńgesi aǵym­da­ǵy jyldyń birinshi jarty­jyl­dyǵynda ıgerilgen. Ortalyqta ónerkásiptiń ártúrli salalary úshin nasostar men armatýralarǵa jedel qyzmet kórsetýge jáne jón­deý jumystaryna qajetti jab­dyqtar ornalasqan. Munda tik jáne kólbeý túrdegi nasostar men turǵyn úı-kommýnaldyq sha­rýa­shylyǵyna qyzmet kórsetý úshin jaǵdaı jasalynǵan. Joba­ny qarjylandyrǵan «Floýserv» korporasııasy álemniń 56 elinde jumys isteıdi. О́tken jyldan beri «Brando» seriktestiginiń zaýytynda bir ret­tik shprıs shyǵarylyp keledi. Buǵan otandyq kásipker ınvestısııa saldy. Sol kásipker jigit endi Atyraýdan medısınada kúnde­lik­ti qoldanylatyn bir rettik qol­ǵap, naýqasqa suıyqtyq quıýǵa arnalǵan sıstema shyǵaratyn zaý­yt­tar ashýdy qolǵa aldy. Bularǵa da qomaqty ınvestısııa salyn­ǵa­ly otyr. Demek, kásipkerler bir kúndik paıdadan góri, qaıtarymy uzaq jyldan soń biline bastaı­tyn jobalardy qarjylandyrýǵa ynta tanytýda. Kásipkerlik demekshi, bul kún­de­ri atalǵan salada 25 myńnan astam shaǵyn jáne bıznes ny­san­dary tirkelipti. Jyl basynan beri kásipkerler 276,5 mıllıard teń­geniń ónimin óndirip, túrli servıstik qyzmetterin kórsete aldy. Bul salamen birge bilim berý, medısına, mádenıet pen sport sekildi eldiń básekege qabi­let­ti­ligin arttyrýǵa jol ashatyn ma­ńyz­dy salalarda da serpilis baı­qa­lady. – О́ńirde qolǵa alynǵan jo­ba­lardyń barlyǵy merziminde iske asyrylady. Al Saǵyz – Mııaly baǵytyndaǵy jol, KOS qury­ly­sy, sýmen jabdyqtaý baǵytyn­daǵy jobalardy belgilengen merziminen buryn aıaqtaýdy kózdep otyrmyz. О́ıtkeni, bul halyqtyń kúndelikti turmysy úshin asa mańyzdy, – dedi oblys ákimi Bergeı Rysqalıev oblystyq máslı­hat depýtattary aldynda bergen esebinde. Joldasbek ShО́PEǴUL, Atyraý oblysy.