ShQO-da oqýshylar úshin 889 demalys lagerleri men alańdary jumys isteıtin bolady. Bul týraly óńir ákimdigi habarlady.
Habarlamaǵa sáıkes, 1-10 synyp oqýshylarynyń barlyǵy bıylǵy jazda uıymdastyrylǵan demalyspen qamtylady. Bul oblystyń birqatar aýdandary men qalalarynda jazǵy ýaqytta oqýshylardy saýyqtyrýdy, jumyspen qamtýdy jáne olardyń demalysyn uıymdastyrýǵa bólinetin qarjylandyrýdyń ulǵaıýynyń arqasynda múmkin bolyp otyr.
Mysaly, Úrjar jáne Kúrshim aýdandarynda, sondaı-aq oblys ortalyǵynda jazǵy tildik lagerler jumys isteıtin bolady. 14,5 myńǵa jýyq oqýshy EKSPO-2017 halyqaralyq kórmesine barady. Jalpy, bıyl jazǵy demalyspen qamtylǵan balalardyń sany 8 paıyzǵa óspek.
Budan bólek, memlekettik-jekeshelik áriptestikti damytý, balalar týrızmin, sonyń ishinde ekologııalyq týrızmdi tanymal etý boıynsha maqsatty jumys júrgizilýde.