Alańda qurylǵan kıiz úı de kelýshilerdi ystyq yqylaspen qarsy alýda. О́kil ımam barsha jurtty Aıt merekesimen quttyqtap:
«Ardaqty aǵaıyn. Minekeı, meıirimi sheksiz Allanyń qalaýymen qasıetti Ramazan aıyn ótkerdik, ulyq mereke – Oraza aıtyna da jettik. Sizderdi shyn júrekten osy bir erekshe kúnmen quttyqtaımyn. Bul ıisi musylman jurty úshin qurmetti bolǵan, qadirli hám qasıetti meıram. Búgingi shara – sizderdiń, halyqtyń osy merekeni shynaıy, kóńildi start, vıktorına, óleń-sezinip, yqylaspen toılatyp, dúbirletip, máz-meıram, shat-shadyman kúıde ótkizsin degen nıetpen jasalyp otyr. Merekelerińiz múbárak bolǵaı,- dedi.
Al, jastar arasyna dástúrli qazaq kúresi, arqan tartý, qol kúrestirý, gır kóterý qatarly uıymdastyrylsa, jasóspirimder men baldyrǵandar arasyna meshit ustazdary Quran jarysy, kóńildi start, vıktorına, óleń-taqpaqtar mánerlep oqý, toǵyzqumalaq qatarly ártúrli ulttyq oıyndar, án-kúı tógildi. Balalarǵa oıynshyqtar, kitaptar tegin syıǵa berildi. Bul kúni «Baryńmen bólis!» qaıyrymdylyq qyzmeti de demeýshiler arqyly 30 otbasyna azyq-túlikpen, ártúrli muqtajdyqqa tap bolǵan 8 adamǵa aqshalaı kómek kórsetip, shalǵaıdaǵy eki aýylǵa halyqtan jınalǵan kıim-keshekterdi mashınamen jetkizip te berdi. Shara sońynda meshit aýlasynda 18 qazan palaý, 5 myń lıtr mıneraldy sý jáne 5 myń bólke aq nannan jınalǵan qaýym dám tatyp, «Oraza qabyl bolsyn!», «Aıt qutty bolsyn!» dep birin-biri quttyqtady.
Farıda Byqaı
«Egemen Qazaqstan»
Pavlodar.
Sýretti túsirgen Amantaı Toıshybaı