Aqmola oblysynyń ákimi Məlik Myrzalın Býrabaı aýdany aktıviniń jumysyna qatysyp, depýtattardan jańa ákimniń kandıdatýrasyn qoldaýdy surady.
Usynǵan kandıdatýrany aýdandyq máslıhat depýtattary biraýyzdan qoldap, daýys bergennen keıin oblys ákiminiń ókimimen Qanat Qaraýylov Býrabaı aýdanynyń ákimi bolyp taǵaıyndaldy.
Aýdan aktıvine jańa basshyny tanystyrǵan oblys ákimi óńirde birinshi kezekte sheshilýge tıisti mindetter men Elbasynyń tapsyrmalaryna toqtalyp, aýdannyń jańa ákimine alda turǵan aýqymdy jumystardy erekshe atap kórsetti. Sonymen birge, ol aýdan aktıvi aldynda jańa ákimge senim bildirip, belsendi jumys isteýge shaqyrdy.
О́z kezeginde aýdannyń jańa ákimi Qanat Qaraýylov ózine kórsetken zor senimderi úshin oblys ákimi men depýtattarǵa alǵysyn bildirip, osy senimnen shyǵýǵa bar kúsh-jigerin aıanbaıtyndyǵyn jetkizdi.