Jıynǵa oblys ákiminiń orynbasary E.Sadyr, oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy M.Otarshıev, Saıram aýdanynyń ákimi S.Saparbaev jáne aýyl okýrgi ákimderi, tıisti salalyq bólim basshylarynyń qatysty.
Sharada azamattardyń áleýmettiń mártebesin anyqtaý men olarǵa memlekettik qoldaý kórsetý jumystarynyń barysy talqylandy. Saıram aýdany boıynsha «Áleýmettik mártebesin anyqtaý» avtomattandyrylǵan aqparattyq júıesi arqyly 102 899 adamnyń 102 179-y nemese 99,3 paıyzynyń áleýmettik derekqory anyqtalǵan. Jıyn barysynda oblys ákiminiń orynbasary Erbol Sadyr aqparattardyń shynaıylyǵyn naqtylaýdy 1 shildege deıin aıaqtaýdy tapsyrdy.
Sondaı-aq «Nátıjeli jumyspen qamtýdy jáne jappaı kásipkerlikti damytýdyń 2017 –2021 jyldarǵa arnalǵan baǵdarlamasy» sheńberinde kásiptik jáne tehnıkalyq oqytýǵa, qysqa merzimdi kásiptik oqytýǵa, shaǵyn nesıelenýge, sonymen qatar paıda bolǵan bos jumys oryndaryna jumyspen qamtý sharalarymen qatystyrý týraly naqty tapsyrma júkteldi.
Sonymen qatar, oblys ákiminiń orynbasary E.Sadyr osy taqyrap boıynsha jıyndy Túlkibas aýdanynda jalǵastyrdy.
Mundaǵy «Áleýmettik mártebesin anyqtaý» avtomattandyrylǵan aqparattyq júıesindegi derekqorǵa sáıkes 30 823 adamnyń 30823-i nemese 100 paıyzy anyqtalyp engizildi. 2017 jyldyń 1 shildesine deıin aqparattardyń shynaıylyǵyn naqtylaý tapsyryldy.