Uıymdastyrýshylardyń aıtýynsha, sporttyń bul túri múmkindigi shekteýli zamandastarymyzdyń óz ónerin tanytýyna zor múmkindik beredi. Olardyń rýhyn oıatyp, ómirge degen qulshynysyn arttyrady.
Týrnırge Batys Qazaqstan, Aqtóbe, Qaraǵandy, Jambyl, Qostanaı, Almaty, Ońtústik Qazaqstan oblystary men Astana qalasynyń bıshileri qatysty.
Jarysqa qatysýshylar arasynda 2016 jylǵy Azııa chempıonatynyń, 2014 jylǵy paralımpıadalyq Azııa oıyndarynyń jeńimpazdary jáne 2015 jylǵy Álem chempıonatynyń júldegeri bar. Úmitkerler halyqaralyq biliktilik talaptaryna saı – combi/duo-standart, latina, freestyle atalymdarynyń barlyq túrleri boıynsha baq synasty.
– Sharanyń maqsaty – arbamen bıleýdi nasıhattaý. Oǵan biri arbada, ekinshisi on eki múshesi saý juptar, ekeýi de arbada otyrǵan juptar jáne jupsyz, ıaǵnı arbada otyrǵan jalǵyz bıshi qatysa alady, – deıdi Qazaqstan Zamanaýı jáne sporttyq bıler federasııasynyń prezıdenti Álııa Túsipbekova.
El birinshiligine qatysqan qaraǵandylyq Aıgúl Balmaǵambetova Single Woman jáne Single Freestyle atalymdarynda eki birdeı kúmis júldege ıe boldy.
Janıla QURYShBEKOVA, №4 JBBM 11 «b» synyp oqýshysy
Qaraǵandy oblysy,
Saran qalasy