Bul shara Astanadaǵy Aqtóbeniń mádenıet kúnderi aıasynda ótip jatyr. Kórmege jalpy quny 2,1 mlrd dollardan asatyn 13 ınvestısııalyq joba qoıyldy.
- Biz shetel ınvestorlaryn Aqtóbe oblysynda jumys isteýge shaqyramyz. Olar úshin barlyq jaǵdaı jasalatyndyǵyn taǵy bir márte eske salamyn. Osy kórme EKSPO aýmaǵynda jurtshylyq nazaryna usynylatyn bolady. Bizde óndiristik, geologııalyq, týrıstik salany damytýǵa múmkindik zor, - dedi Aqtóbe oblysynyń ákimi Berdibek Saparbaev.
- Biz bıyl 20 mln eýrony ıgeremiz dep josparlap otyrmyz. Tehnologııa Ispanııaǵa tıesili. Al ınvestısııa Germanııaniki. Zaýyt qurylysy 3 jylǵa sozylady. Onyń qýattylyǵy jylyna 250 mgv bolady. Mundaı jel generatory zaýyty ázirge burynǵy keńester odaǵy quramyndaǵy elderdiń eshqaısysynda joq, - dedi United energies Aktobe JShS bas dırektory Mıhael Paýls.