Búgin Senat depýtattaryn saılaý ótedi

Elbasy bıyl «Qazaqstan Res­pýblıkasynyń Konstı­týsııa­syna ózgerister men tolyq­tyrýlar engizý týraly» Zań­ǵa qol qoıǵany belgili. Bılik tarmaqtary arasyndaǵy ókilet­tikterdi qaıta bólý bo­ıynsha Ata Zańǵa engizilgen ózgerister Parlamenttiń rólin aıtarlyqtaı kúsheıtti. Prezıdent óziniń zań shyǵarýshy ókilettigin bergennen keıin, bıliktiń bul tarmaǵy endi zań shyǵarýshy qyzmetti júzege asyratyn emes, zań shyǵarýshy bılik retinde tujyrymdaldy.  Konstıtýsııadaǵy ózge­ris­terge sáıkes, Úkimet Parla­mentke óziniń sheshimderi týraly, negizgi baǵyttary týraly baıandap otyrady. Eger esepti tyńdaý qorytyndylary bo­ıynsha Úkimet múshesi respýb­lıka zańdaryn oryndamaǵan jaǵdaıda palata depýtattary jalpy sanynyń keminde úshten ekisiniń kópshilik daýysymen ony qyzmetten bosatý týraly el Prezıdentine ótinish jasaýǵa quzyretti. Mundaı jaǵdaıda el  Prezıdenti Úkimet múshesin qyzmetinen bosatady. Bul – Parlamenttiń jaýapkershiligi artqanyn aıǵaqtaıtyn jaıt.  Memlekettiń basqarý nysa­nynyń prezıdenttikten prezı­denttik-parlamenttik respýb­lıkaǵa ózgerýi, Memleket bas­shysynyń birqatar ókilettigin el Parlamentine berýi, Se­nat depýtattarynyń sany Pre­zı­dent kvotasy esebinen 7-den 15-ke deıin kóbeıtilýi Parlamenttiń orny men róliniń túbegeıli ny­ǵaıýyna basymdyq berilgenin bil­diredi. Demek, búgin saılanǵaly otyrǵan Senat depýtattarynyń aldynda úlken jaýapkershilik tur.  Jalpy, Senat Kons­tı­tý­sııalyq zańda belgilengen tár­tip­pen ár oblystan, res­pýblıkalyq mańy­zy bar qa­ladan jáne Qazaqstan Respýb­lıkasynyń asta­nasynan eki adam­nan ókil­dik etetin depýtattar­dan qura­lady. Senatta qoǵamnyń ulttyq-mádenı jáne ózge de eleýli múd­deleri eskerilýi kerek. Son­dyqtan, Joǵarǵy palatanyń 15 depýtatyn respýblıka Prezı­denti taǵaıyndaıdy.  Senat depýtattarynyń jar­tysy árbir úsh jyl saıyn qaı­ta saı­lanyp otyrady. Senat depý­tat­tarynyń ókilettik mer­zimi – alty jyl. Konstıtýsııadaǵy talaptarǵa sáıkes, jasy otyzǵa tolǵan, jo­ǵary bilimi jáne keminde bes jyl jumys ótili bar, tıisti ob­lys­tyń, respýblıkalyq mańyzy bar qalanyń, ne respýblıka astanasynyń aýmaǵynda keminde úsh jyl turaqty turyp jatqan adam Senat depýtaty bola alady. Sonymen, oblystyq, Astana jáne Almaty qalalary saılaý komıssııalarynyń málimetterine sáıkes, búgingi saılaýǵa barlyǵy 38 úmitker tirkeldi. Osyǵan deıin jergilikti buqaralyq aqparat quraldarynda tańdaýshylardyń tizimderi jarııalanǵan bolatyn. Resmı derekke  sáıkes, búginge deıin saılaýǵa qatysatyn tań­daýshylardyń sany – 3293. Iаǵnı, saılaý zańnamasyna sáıkes Senat depýtattaryn máslıhat depýtattary saılaıdy. Olardyń basym bóligi Almaty, Shyǵys Qazaqstan jáne Ońtústik Qazaqstan oblys­tarynda tirkelgen. Ortalyq saılaý komıs­sııa­synyń tóraǵasy Berik Imashev­tyń aıtýynsha, saılaý naýqany «Qa­zaqstan Respýblıkasyndaǵy Saılaý týraly» Zańǵa saı ótýi qatań qadaǵalanǵan. Ári demo­kra­tııalyq qoǵamǵa  saı daýys berý úderisin  halyqaralyq uıym­dar men shet memleketter­den akkredıttelgen baıqaýshylar ba­qy­lap otyr. Olardyń qatarynda Frans-press, Bı-bı-sı, Reıter, Ál-Jazıra sekildi tanymal aqparat quraldarynyń ókilderi de bar.  Parlament Senaty depýtattaryn saılaýǵa daýys berý Astana ýaqyty boıynsha saǵat 10.00-de bastalady.  Osy saılaýda tańdaýshylar elektrondyq tirkeýdi alǵash ret qoldanatynyn da aıta ketý lázim. Bul daýys berýdiń ádildigi men ashyqtyǵyn aı­ǵaq­taıtyn tásilderdiń biri sana­lady.

Qymbat TOQTAMURAT,  «Egemen Qazaqstan»