Búginde Jer shary halqynyń jartysynan kóbi qalalarda turady. Zamanaýı megapolıster resýrstardyń barlyq túrleriniń negizgi tutynýshysy bolyp, ekologııalyq máseleniń negizgi kózine aınalýda. Qaldyqtardy basqarý júıesiniń ózektiligi jyl ótken saıyn artyp kele jatqany da sondyqtan. Qazirgi tańda úlken qalalardyń túgelge jýyǵy qaldyqtardy qorshaǵan ortaǵa zııa- nyn tıgizbeı óńdeýge múmkindik beretin sheshimderge ıe. Fransııa men Qazaqstan qalalarynda qoldanylatyn tehnologııalyq sheshimder osy sharada talqylanǵan negizgi taqyryp boldy. Basqosý barysynda qos eldiń mamandary qaldyqtardy óńdeý men olardy energııanyń balamaly kózderine aınaldyrý salasyndaǵy jańa zertteýlerimen bólisti. Fransýzdyq kompanııanyń vedomstvoaralyq bólimi dırektory Karolın Shal qorshaǵan ortany qorǵaýdaǵy basym baǵyttar men eki el arasyndaǵy yntymaqtasýdyń jáne tájirıbe almasýdyń yqtımal ádisteri týraly baıandady. Parıjdiń iri kommýnaldyq qyzmetteri qalanyń ekologııalyq jáne energetıkalyq máselelerin sheshýge arnalǵan tájirıbeleri men resýrs- taryn qalaı biriktiretini jaıynda «SIAAP» kompanııasy bas dırektorynyń orynbasary Denı Penýel áńgimeledi. Qazaqstandyq «Ekologııa jáne klımat zerthanalary» energetıka ortalyǵy jetekshisiniń mindetin atqarýshy, doktor Erbol Sarbasov qatysýshylarǵa Astana úshin jasalǵan, turmystyq qatty qaldyqtardy jaǵýdyń jańa tehnologııasymen jáne aınalmaly qaınaǵan qabat ádisi boıynsha kómirdi jaǵý reaktıvtiligine turmystyq aýyr qaldyqtardyń áserin zertteýimen, sondaı-aq gazdandyrý úderisimen tanystyrdy. «Syctom» kompanııasynyń qyzmeti qaıtalama shıkizatty suryptaýdy qoldanýǵa jáne ári qaraı óndirýge negizdelgen. Bul qalǵan qaldyqtardan taza ári qaıta jańartylatyn energııa alýǵa múmkindik beredi. Mundaı qadamnyń nátıjesi resýrstardy saqtaıdy. Bolashaqtyń mindeti – azdaǵan qaldyqtan kóp energııa óndirý», dedi sózinde kompanııanyń tehnıkalyq servıs jónindegi bas dırektorynyń orynbasary Per Hırtsberger.
Ashat RAIQUL,
«Egemen Qazaqstan»