2011 jylǵy 5 qyrkúıek, Astana, Úkimet Úıi
Jeke jáne zańdy tulǵalar qarajaty esebinen salynǵan obektilerdi magıstraldyq temir jol jelisi quramyna berý qaǵıdasyn bekitý týraly
«Temir jol kóligi týraly» Qazaqstan Respýblıkasynyń 2001 jylǵy 8 jeltoqsandaǵy Zańynyń 14-baby 1-tarmaǵynyń 19) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Jeke jáne zańdy tulǵalar qarajaty esebinen salynǵan obektilerdi magıstraldyq temir jol jelisi quramyna berý qaǵıdasy bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń koldanysqa engiziledi.
Qazaqstan Respýblıkasynyń Premer-Mınıstri K. MÁSIMOV.
Qazaqstan Respýblıkasy Úkimetiniń 2011 jylǵy 5 qyrkúıektegi №1013 qaýlysymen bekitilgen
Jeke jáne zańdy tulǵalar qarajaty esebinen salynǵan obektilerdi
magıstraldyq temir jol jelisi kuramyna berý qaǵıdasy
1. Osy Jeke jáne zańdy tulǵalar qarajaty esebinen salynǵan obektilerdi magıstraldyq temir jol jelisi quramyna berý qaǵıdasy (budan ári – Qaǵıda) «Temir jol kóligi týraly» Qazaqstan Respýblıkasynyń 2001 jylǵy 8 jeltoqsandaǵy Zańyna sáıkes ázirlendi ári jeke jáne zańdy tulǵalar esebinen salynǵan obektilerdi magıstraldyq temir jol jelisi kuramyna berý tártibin aıqyndaıdy.
Bul Qaǵıdada obektiler retinde temir joldar, elektrmen jabdyqgaý, sıgnal berý, baılanys obektileri, qurylǵylar, jabdyqgar, ǵımarattar, qurylystar, ımarattar men magıstraldyq temir jol jelisiniń jumys isteýi úshin qajetti tehnologııalyq ózge de obektiler (budan ári – obektiler) túsiniledi.
Osy Qaǵıdada ýákiletti organ retinde temir jol kóligi salasyndaǵy basshylyqgy, sondaı-aq Qazaqstan Respýblıkasynyń zańnamasynda kózdelgen shekterde salaaralyq úılestirýdi júzege asyratyn ortalyq atqarýshy organ túsiniledi;
2. Obektiler «Memlekettik múlik týraly» Qazaqstan Respýblıkasynyń Zańynda kózdelgen negizder boıynsha memleketgik menshikke túsedi.
3. Ýákiletti organ obektilerdi magıstraldyq temir jol jelisiniń quramyna engizý týraly ótinishti (budan ári – О́tinish) alǵan sátten bastap 4 kúntizbelik kún ishinde ony Ulttyq temir jol kompanııasynyń mekenjaıyna jiberedi.
4. Ulttyq temir jol kompanııasy ótinishti alǵan sátten bastap kúntizbelik 10 kún ishinde Obektilerdi tekserip qaraýdy ótkizedi, Qazaqstan Respýblıkasynyń Úkimeti bekitetin Temir jol kóligindegi qaýipsizdik qaǵıdasynyń jáne ýákiletti organ bekitetin Temir jol kóligin tehnıkalyq paıdalaný kaǵıdasynyń talaptaryna sáıkestigine synaý júrgizedi. Tekserip qaraý nátıjeleri boıynsha obektilerdi, sondaı-aq mynadaı jaǵdaılarǵa súıene otyryp, obektilerdiń fýnksıonaldyq maqsatyn eskere otyryp, magıstraldyq temir jol jelisi quramyna engizý oryndylyǵyn sıpattaıtyn qorytyndy ázirleıdi:
stansııalardaǵy tasymaldaý úderisiniń, poezdar qozǵalysy men manevrlik jumystardy júrgizý qaýipsizdigin qamtamasyz etý qajettigi;
magıstraldyq temir jol jelisiniń jekelegen pýnktteriniń ótkizý jáne qaıta óńdeý qabilettiligin ulǵaıtýdy qamtamasyz etý;
túıisý stansııasyn damytýdy qamtamasyz etý;
kirme joldardan/ǵa berý-alyp ketýdi, jolaýshylar men júk poezdaryn basyp ozý men toǵystyrý boıynsha operasııalardy júzege asyrýǵa arnalǵan obektilerdi (temir joldardy) paıdalaný;
obektilerdi tehnıkalyq jaramdy jaı-kúıde ustaýdy, aǵymdaǵy jáne kúrdeli jóndeýdi júrgizýdi qamtamasyz etý qajettigi.
5. Ulttyq temirjol kompanııasy osy Qaǵıdanyń 4-tarmaǵynda kózdelgen tekserip qaraýdy aıaqtaǵannan keıin, 4 kúntizbelik kún ishinde qorytyndyny komıssııanyń qaraýyna odan ári shyǵarý úshin ýákiletti organǵa jiberedi.
6. Komıssııa quramy ýákiletti organnyń birinshi basshysynyń ne ony aýystyratyn adamnyń buıryǵymen bekitiledi jáne ol ýákiletti organ qyzmetkerleriniń qatarynan quralady. Komıssııanyń quramyna tóraǵa, tóraǵanyń orynbasary men komıssııa músheleri kiredi. Komıssııa músheleriniń jalpy sany taq sannan turýy tıis jáne úsh adamnan kem bolmaıdy. Komıssııa hatshysy komıssııa múshesi bolyp tabylmaıdy jáne onyń daýys berý quqyǵy joq.
7. Komıssııa tóraǵasy, al ol bolmaǵan jaǵdaıda - komıssııa tóraǵasynyń orynbasary komıssııa qyzmetin basqarady, komıssııa otyrystarynda tóraǵalyq etedi, komıssııa jumysyn josparlaıdy.
8. Komıssııa Ulttyq temir jol kompanııasynyń ótinishin jáne qorytyndysyn alǵan sátten bastap kúntizbelik 10 kún ishinde qaraıdy jáne obektilerdi magıstraldyq temir jol jelisiniń quramyna berý jóninde nemese obektilerdi berýden bas tartý týraly usynymdar shyǵarady. Komıssııanyń usynymdary hattamamen resimdeledi.
9. Komıssııanyń oń usynymy negizinde jáne obektilerdi memlekettik menshikke qabyldaǵannan keıin ýákiletti organ Qazaqstan Respýblıkasynyń zańnamasynda belgilengen tártippen tabıǵı monopolııalar men retteletin naryqtar salalarynda basshylyqty júzege asyratyn ýákiletti organmen birlesip, obektilerdi magıstraldyq temir jol tizbesine nemese magıstraldyq temir jol jelisine kiretin stansııalyq joldar tizbesine nemese elektr jabdyqtaý, sıgnal berý, baılanys obektileri, qurylǵylar, jabdyqtar, ǵımarattar, qurylystar jáne magıstraldyq temir jol qyzmetine arnalǵan tehnologııalyq qajetti ózge de obektiler tizbesine engizý boıynsha sharalardy qabyldaıdy.