Qaraǵandynyń jol-patrýldik polıseıi, aǵa serjant Salamat Temirbaev óziniń eńbek demalysynyń qarajatyn Qaraǵandy qalasyndaǵy «Damý múmkinshilikteri shektelgen balalar úıiniń» baldyrǵandaryna tabystady. Tabystap qana qoımaı, balalardy ortalyq saıabaqta serýendetip, shattyq nuryn shartarapqa shashty.
2012 jyldan bastap ishki ister organdarynda qyzmet atqaryp kele jatqan jomart júrek polıseıdiń bıylǵy eńbek demalysy oraza aıyna sáıkes kelipti. Ákesi Maǵazdyń ósıetin zerdesine toqyp ósken Salamat, naǵyz qazaqy qalyppen tárbıe kórgen azamat ekenin tanytty. Saýapty iske dán rıza bolǵan balalar túrli attraksıondarda oınap, bir sátke bolsyn dúnıe-dýmandy alańsyz keshirdi. Qazaqta «Jetim kórseń jebeı júr» degen naqyl bar. Salamattyń búgingi jasaǵan saýaby – erteńgi kúnniń jaýaby ekenin uǵynǵan jón. Biz erteń utsaq, qarajaty bar el emes, Salamaty bar eli retinde órkenıettiń aldyna túsemiz.
Mıras ASAN, «Egemen Qazaqstan»
Qaraǵandy oblysy