О́tken senbi kúni jer-dúnıeni sel qylyp jibergen nóser jańbyr oblys turǵyndary úshin birqatar qolaısyzdyq týdyrdy. Tipti, kóshelerde ketip bara jatqan kólikter júristerin baıaýlatýǵa bolmasa ýaqytsha toqtaýǵa týra keldi. Keıbireýler aspannan perishte túrindegi bulttar kórgenin, ózgeshe quıynnyń «oınaq salǵanyn» aıtyp, san-saqqa júgirtkender de boldy. Biz «Qazgıdromet» mekemesi SQOF-nyń bólim basshysy Gúlzat Ǵazızovamen habarlasyp, tabıǵattyń tylsym syrlary jaıly aıtyp berýin ótingen edik. – Soltústik-Batys jaqtan soqqan sýyq aýa saldarynan qatty jel turyp, onyń jyldamdyǵy sekýndyna 19-20 metrge deıin jetti. Aspanda naızaǵaı jarqyldap, jurtshylyqtyń úreılengeni ras. Jarty kúnniń ishinde 12-18 mm jańbyr jaýdy. Bul – on kúnniń normasyna teń. Al aspanda jóńkile kóshken qorǵasyn, qara bulttardan keı adamdardyń perishte keskindes tańǵajaıyp sýretterdi «kórýin» tabıǵı qubylysqa jatqyzar edik. Jańbyr jaýǵannan keıin kún shaıdaı ashylyp, aspan neshe túrli reńkke boıanyp, ár alýan keıip enetini zańdy. Bala kezimizde shelekpen sý áketip bara jatqan kelinshekti nemese salt atty kisini talaı márte kóretinbiz. Bul da sonyń bir mysaly. Qobaljıtyndaı, úreılenetindeı eshteńe joq.
О́mir ESQALI, «Egemen Qazaqstan»
Soltústik Qazaqstan oblysy