Qyzylorda ákimi N. Nálibaev Baqytjan Saǵyntaevqa óńir halqyn qoljetimdi baspanamen jáne áleýmettik mańyzǵa ıe nysandarmen qamtamasyz etý boıynsha qabyldanyp jatqan sharalar týraly jáne jańa turǵyn úı alabynyń jobasy týraly baıandady. Bıyl oblys ortalyǵynyń sol jaq jaǵalaýynda salynyp jatqan úılerge qajetti ınfraqurylym júrgizý jumystary bastalady.
Oblysta «Nurly jer» baǵdarlamasy aıasynda myna baǵyttar boıynsha turǵyn úı qurylysy kózdelgen:
• ıpotekalyq nesıelendirýge qoldaý kórsetý;
• jeke qurylys salýshylardy turǵyn úı qurylysyna yntalandyrý;
• turǵynúıqurylysjınaq júıesi arqyly júzege asyrylatyn nesıelik turǵyn úı qurylysy;
• jaldamaly turǵyn úıdiń óńirlik qoryn qurý;
• jeke turǵyn úı qurylysyn damytý.
Bıyl óńirde «Nurly jer» baǵdarlamasy boıynsha 2 211 páterden turatyn 40 kópqabatty úıdi paıdalanýǵa berý josparda bar.