Elbasyna bıylǵy sáýir aıynda Astana qalasyn damytýǵa arnalǵan keńeste berilgen tapsyrmalardyń oryndalýy týraly esep berilip, qaladaǵy quqyqtyq tártipti qamtamasyz etýge jáne ınfraqurylymdy jaqsartýǵa qatysty atqarylyp jatqan jumystar jóninde málimet usynyldy.y
Nursultan Nazarbaev elorda turǵyndary sanynyń artyp kele jatqanyna nazar aýdaryp, balabaqshalarmen jáne mekteptermen qamtamasyz etý boıynsha sharalar qabyldaý qajettigin atap ótti.
- Turǵyndar sany artyp keledi. Bul rette, kóshi-qon úderisin erekshe baqylaýǵa alý qajet. Elordada memlekettik baǵdarlamamen turǵyn úı berý júıesin jónge keltirý de mańyzdy, - dedi Memleket basshysy.
Astana qalasynyń ákimi Qazaqstan Prezıdentine elordany damytýdyń birqatar ekonomıkalyq ındıkatorlary óskenin aıtty, sondaı-aq qala turǵyndarynyń ómir súrýiniń ortasha uzaqtyǵy 75 jasqa jetkenin atap ótip, áleýmettik sala oń qarqynmen damyp kele jatqanyna toqtaldy.
Á.Isekeshev Elbasyǵa analar ólimi jáne ókpe aýrýy deńgeıiniń tómendegenin aıtty. Sonymen birge Astana qalasynyń ákimi «Taldykól» aǵyn sý jınaqtaýshysy ornalasqan jerdiń qunarlyǵyn qalpyna keltirý, jaýyn sý aǵatyn káriz júıesin jáne jol-kólik ınfraqurylymdy jetildirý baǵytynda qabyldanǵan sharalar jóninde esep berdi.
Nursultan Nazarbaev atqarylǵan sharalardyń nátıjelerin oń baǵalap, elordany damytý jónindegi jumystardy jalǵastyrýdy tapsyrdy.