Kezdesýde sý resýrstaryn damytý jáne aýyldyq jerlerdiń turǵyndaryn aýyz sýmen qamtamasyz etý máseleleri talqylandy. Memleket basshysy Astanany jáne ózge de óńirlerdi sý deńgeıiniń kóterilýi men sý tasqynynan qaýipsiz etýge múmkindik beretin jobalardy iske asyrýdyń mańyzdylyǵyn erekshe atap ótti. – Sýdyń kóptigi sý deńgeıiniń kóterilý qaýpin týdyrady. Bir jaǵynan, ony utymdy, ásirese aýyl sharýashylyǵynda paıdalanýǵa bolady. Osyǵan oraı ár eldi mekende shaǵyn sý qoımalaryn salýdy qamtamasyz etý qajet, – dedi Nursultan Nazarbaev. Qazaqstan Prezıdentine bógetterdiń qazirgi jaǵdaıy jáne sý deńgeıiniń kóterilýi men sý tasqyny bolýy múmkin óńirlerde jańa sý qoımalaryn salý perspektıvalary jóninde málimet berildi. Sondaı-aq, Elbasy Astana mańyndaǵy sý qoımalary men kólderdiń týrıstik áleýetin arttyrý qajettigin aıtty. – Keńbıdaıyq sý qoımasy qalaǵa jaqyn ornalasqan. Bul jer elorda turǵyndary demalatyn oryndardyń birine aınalýy tıis. Onda jaǵajaı jasap, demalys oryndaryn salý kerek, – dedi Memleket basshysy. Kezdesý sońynda Nursultan Nazarbaev birqatar naqty tapsyrma berdi.
Elbasy Nursultan Nazarbaev Aýyl sharýashylyǵy mınıstrligi Sý resýrstary komıtetiniń tóraǵasy Islam Ábishevti qabyldady, dep habarlady Prezıdenttiń baspasóz qyzmeti.