О́tken dúısenbi kúni Reseı Federasııasynyń ulttyq pavılonynda erekshe este qalatyn oqıǵa boldy. Bul kúni pavılonǵa arnaıy qoıylǵan kamera 100 myńynshy kórermenniń kelgenin tirkedi. 100 myńynshy qonaqty pavılonnyń qyzmetkerleri, volonterler men gıdter úlken qurmetpen, dý qol shapalaqtap qarsy aldy. Erekshe atap ótetin bir másele, 100 myńynshy kórermen qurmetine ıe bolǵan – mańǵystaýlyq jas jubaılar Kúmisaı men Lırıdo eken. Astanadaǵy jahandyq kórmege Aqtaýdan arnaıy kelgen jas jubaılar jaqynda ǵana otaý qurǵan. Kúmisaı Astanada oqýda júrip, osynda qyzmet atqaratyn Albanııa azamaty Lırıdomen turmys qurǵan kórinedi. Reseı pavılonynyń dırektory Iýlııa Lopareva 100 myńynshy qonaqtarǵa qurmet kórsetip, eskertkish syılyqtar tapsyrdy. Sonymen birge, Kúmisaı men Lırıdo EKSPO-2017 kórmesi aıasynda ótkiziletin mádenı sharalar baǵdarlamasy negizinde 5 shilde kúni ótetin Polına Gagarına men Egor Krıdanyń konsertine eki tegin bıletke ıe boldy. «Biz elden kelgennen keıin birinshi kezekte EKSPO-2017 kórmesin aralaýdy josparlaǵan edik. Búgin sol josparymyz oryndaldy. Kórmege kelgen saparymyz osyndaı, este qalatyndaı áserli bolady dep oılaǵan da joq edik. EKSPO-dan alǵan áserimizben qosa, úlken qurmetke bólendik. Biz aralaǵan pavılondardaǵy jańǵyrmaly energııa taqyrybyndaǵy jádigerler shynymen kóńilden shyqty. Endi osy ozyq ıdeıalar men jańa tehnologııalardy elimizdiń energetıkasyn damytýǵa keńinen paıdalana bilsek, nur ústine nur bolar edi», deıdi Kúmisaı qýanyshyn jasyra almaı kúlimdep. Jylqybaı JAǴYPARULY, «Egemen Qazaqstan»
EKSPO-2017 halyqaralyq mamandandyrylǵan kórmesi qalashyǵyndaǵy álemniń 115 memleketi men 22 jahandyq uıymdarynyń pavılondary jumys istep tur. Olardyń ishinde kólemimen de, jádigerleriniń mazmundylyǵymen de kórmege kelýshilerdi qyzyqtyratyndary barshylyq. Solardyń biri – Reseıdiń pavılony.