Qazaqstan Respýblıkasy Ishki ister organdarynyń 25 jyldyǵyna oraı osymen altynshy jyl qatarynan jalaýy jelbiregen baıqaýǵa Reseıdiń Ulttyq ulan áskeri Oral okrýgi shtabynyń áskerı orkestri men Qytaı Halyq Respýblıkasy Halyqtyq qarýly polısııasynyń orkestri de qatysyp, óner dodasynyń kórigin qyzdyrdy. «Qazylar alqasy baıqaýǵa qatysýshylardyń ónerin kompozısııalar repertýary, akterlik sheberligi, reglamentti saqtaýy, saptyq júrisi syndy ólshemder boıynsha baǵalady. Festıvalge Memlekettik kúzet qyzmetiniń (Prezıdenttik orkestr) Áskerı orkestri men Qurmet qaraýyl rotasy, UQK Shekara qyzmetiniń birlesken orkestri jáne Qorǵanys mınıstrliginiń Ortalyq orkestri de qatysty. Otansúıgishtik pen urpaqtar sabaqtastyǵy rýhynda órilgen Plas-konsert EKSPO halyqaralyq kórmesi is-sharalary aıasynda ótkizilip, klassıkalyq, halyqtyq jáne estradalyq mýzykalyq týyndylar men jaýyngerlik parad-defıle, áskerı-qyzmetshilerdiń qarý-jaraqpen kórsetilgen tanymdyq kórsetilimderi qala jurtshylyǵyn erekshe áserge bóledi», − deıdi Ulttyq ulannyń «Shyǵys» óńirlik qolbasshylyǵy baspasóz qyzmetiniń jetekshisi Baǵdat Amangeldi.
Azamat Qasym, «Egemen Qazaqstan»
О́skemen