Fransııany tamsandyrǵan Almaty

Fransııanyń Renn qala­syn­da Almaty qalasynyń má­de­nıet kún­deri bolyp ótti. Qalalyq «Morpa» saıabaǵy­nan Almaty alleıasy ashy­­lyp, onda áıgili qazaq apor­ty­­nyń óskinderi otyrǵyzyldy. Ásem Almatynyń atyn ıelen­gen alleıanyń saltanatty ashylý rásimine Almaty qalasy ákiminiń orynbasary Serik Seıdýmanov, Qa­zaqstan Respýblı­kasynyń Fran­sııa memleketindegi Tótenshe jáne ókiletti elshisi Nurlan Dánenov, Renn qalasynyń meri Denıl De Lavo, vıse-mer Rozelın Le Fransýa hanym jáne baýyrlas qatynas­tar komıtetiniń tóraǵasy Terrı Lıbrıh myrzalar qatysty. Osy shara aıasynda Renniń Shambres Liberte kesheninde qazaq ulttyq qolóner týyndylarynyń kórmesi men jármeńkesi ótkizildi. Kórermenderdi ásirese qazaqtyń kıiz basý, saz balshyqtan ydys jasaý, alasha tigý jáne shı toqý sekildi ulttyq óneri erekshe baýrady. Fransýz jerindegi Almaty má­de­nıetiniń kúnderi «Sazgen sazy» folklorlyq-etnografııa­lyq ansambli men «Arnaý» an­sambli­niń jáne Qazaqstannyń eńbek sińirgen ártisi Aıgúl Qosanova, Abaı atyn­daǵy opera jáne balet teatrynyń solısteri Alfııa Kárimova men Mede­t Shotabaevtardyń qatysýy­men ót­ken gala-konsertpen aıaqtal­dy. Shambres Liberte kesheniniń sah­nasy­nan Qurmanǵazy men Nur­ǵısa­nyń, son­daı-aq fransýzdyń áıgili kom­po­zıtorlarynyń kúıleri shashý bop tógildi. Qanat ESKENDIR, Almaty.