Baıqaý talaptary boıynsha úmitkerler týǵan jer, kıeli oryndar men kórikti mekender taqyrybyn qamtyǵan tarıhı-tanymdyq, zertteý maqalalary men fotoreportajdaryn joldaýy tıis edi. Soǵan oraı, redaksııamyzǵa el óńirlerinen 20-dan asa materıal kelip tústi. Redaksııa alqasynan quralǵan konkýrstyq komıssııa osy materıaldarmen jeke-jeke tanysyp, eń úzdikterin iriktedi.
Nátıjesinde, «Úzdik jýrnalıstik zertteý» nomınasııasynda Erzat Ermaǵanbetov, «Úzdik tanymdyq materıal» nomınasııasynda - Aıdana Jumadınova, «Úzdik fotoreportaj» nomınasııasynda Jadyra Musabaı esimdi jas jýrnalıster jeńimpaz atandy.
Jeńimpazdardy marapattaý rásimi búgin «Egemen Qazaqstan» redaksııasynda ótip, júldegerlerge arnaıy jasalǵan kádesyılar men 200 myń teńge aqshalaı syılyqtyń sertıfıkattary tapsyryldy.