Senim gramotasyn tapsyrdy

Saltanatty rásimnen keıin bolǵan suhbat barysynda M.Baı­mu­han Polsha basshysyna Qazaqstan Res­pýblıkasynyń Pre­zıdenti Nursultan Nazarbaevtyń sá­lem­demesi men ıgi tilekterin jet­kizdi. A.Dýda Qazaqstan Prezıdentiniń y­styq yqylasyna rızashylyq pen al­ǵysyn bildirdi. Sondaı-aq, ol Elbasynyń byltyr tamyz aıyn­daǵy Varshavaǵa memlekettik sapary ekijaqty qatynastardaǵy asa ma­ńyzdy oqıǵa bolǵanyn jáne eki­jaq­ty yntymaqtastyqtyń damýyna qo­symsha qýat bergenin atap ótti. Polsha Prezıdentiniń aıtýyn­sha, sol kezde qol jetkizgen ýaǵ­da­las­tyqtardyń arqasynda bı­yl­ǵy 1 qań­tardan bastap polıak azamat­ta­ry­nyń Qazaqstanǵa barý úshin vızacyz sa­par shegý tártibi jáne 29 mamyrdan beri eki eldiń astanalary arasynda tikeleı áýe qatynasy ornatyldy. A.Dýda ekijaqty ekonomıkalyq yntymaqtastyqtyń eleýli damýy Qazaqstan Prezıdentiniń mem­le­ket­tik saparynyń asa mańyzdy ná­tı­jeleriniń biri bolyp tabylatynyn rızashylyqpen atap ótti. Polıak memleketiniń basshysy BUU Qaýipsizdik Keńesiniń 2018-2019 jyldary turaqty emes múshesi bolyp saıla­nýyna Varshava kandıdatýrasyn qoldaǵany úshin Qazaqstan tarapyna alǵys bildirdi. Polsha Prezıdentiniń pikirinshe, EKSPO-2017 kórmesi ózara baı­la­nystardyń odan ári damýyna jań­a serpin berdi. Polsha da 2022 jy­ly Lodz qalasynda osyndaı ha­lyq­aralyq mamandandyrylǵan kór­me­ni ótkizý quqyǵyna ıe bolýǵa nı­etti. Astanadaǵy halyqaralyq kór­mede polıak pavılony ornatylyp, onda ótkiziletin is-sharalardyń qa­n­yqtyrylǵan jospary jasalǵan. A.Dýda EKSPO-2017 aıasynda ót­ki­ziletin Polsha ulttyq kúnine qa­ty­sý úshin qyrkúıek aıynyń basynda Qazaqstanǵa saparyn josparlap otyr­ǵanyn rastady. Astanaǵa saparynyń taǵy da bir sebebi, ol Qazaqstan – Polsha bız­­­nes-forýmyna qatysý. Onyń ju­­mysyna Polshadan iri qásip­ker­­lerden jasaqtalǵan toptyń qa­ty­sýy kózdelýde. Polıak memle­ke­ti­­­­niń bas­shysy Qazaqstan astanasyna sa­pa­ry­nyń sheńberinde óte­tin is­ker­lik fo­rým ekijaqty eko­no­mı­ka­lyq yn­ty­maq­tastyqtyń damý fak­tory­na aı­nalatynyna úmit artatynyn bil­dir­di. Kezdesý sońynda Polsha Pre­zı­de­nti A.Dýda Qazaqstan Pre­zıdenti N.Nazarbaevqa zor den­saý­­lyq pen ta­bys tilekterin jetkizýdi su­rap, Qazaqstan Prezıdentimen qa­zaq je­rin­­de jaqyn arada kezdesýine úmit ar­tatynyn bildirdi.

«Egemen-aqparat»