Aıta ketetin jaıt, bul osy aptanyń jalǵyz merekesi emes. 6 shilde kúni Qazaqstan óziniń bas qalasy Astananyń 19-shi týǵan kúnin atap ótpekshi (qala tez arada meniń ekinshi úıime aınalyp úlgergeni de ras. Astana jańadan týǵan qaladan tez arada osy jyldyń eń iri jahandy is-sharasy ótetin orynǵa aınalǵany tań qalarlyq.
AQSh pen Qazaqstannyń mańyzdy merekeleriniń bir-birine jaqyn turǵanynyń ózine máni de bar shyǵar. Qazaqstan táýelsizdigin alǵaly, eki el ózara yntymaqtastyq pen syılastyqtyń arqasynda 25 jyl ishinde qarym-qatynastarda biraz tabystarǵa qol jetkizdi. Búgingi AQSh pavılony osy qatynastar beriktiginiń naqty dáleli bolýda.
AQSh pavılony EKSPO-2017 “Bolashaq energııasy” taqyrybymen shabyttanyp, sarqylmas energııa kózi árqaısysymyzdyń ishinde degen ıdeıasyn jetkizgisi keledi. О́zimizdiń energııamyz arqyly biz tań qalarlyq nátıjelerge jetkizetin ınnovasııalardy yntalandyramyz. AQSh pen Qazaqstan arasyndaǵy qatynastardyń energetıkasy Amerıka pavılonyn ıdeıadan shynaıy nátıjege ákelgeni sózsiz. AQSh pen Qazaqstan arasyndaǵy seriktestik tek saıası lıderler arqasynda ǵana emes, jeke sektor men adamdardyń arasyndaǵy qatynastardyń arqasynda nyǵaıa tústi.
Qazaqstanmen berik seriktestik saqtaý Amerıkanyń sheteldegi múddeleri úshin óte mańyzdy. Ekonomıkany lıberızasııalaý úderisi arqasynda Qazaqstannyń naryqtary tartymdy bola bastady. Bul jerge taǵy Qazaqstannyń energetıkalyq resýrstaryn, geografııalyq ornalasýyn jáne demografııalyq jaǵdaıyn qosýǵa bolady. Osy sıpattamalar eldiń halyqaralyq terrorızmmen kúresýdegi rólimen qatar Qazaqstandy álem tórine shyǵarady. Qazaqstannyń qaýipsizdik salasyndaǵy róli ulǵaıa tústi, eldiń jaqynda BUU Qaýipsizdik Keńesiniń turaqty emes músheligine saılanýy osyny dáleldeıdi. Bul tarıhı oqıǵa (Ortalyq Azııa eli alǵash ret BUU Qaýipsizdik Keńesiniń músheligine kirdi) BUU Bas Assambleıasyndaǵy Ortalyq Azııa óńiriniń mańyzdylyǵyn nyǵaıtty.
Amerıka Qurama Shtattarymen dostyq qarym-qatynastar Qazaqstan úshin de mańyzdy. Bul memleket qarqyndy ósip kele jatqan ekonomıkasynyń lıberızasııasynda biraz jetistikterge jetti. AQSh, dúnıe júziniń eń iri lıberaldy ekonomıkasy bola tura, Qazaqstannyń halyqaralyq saýdasyn keńeıtýde tıimdi seriktes bolýda. Qazaqstannyń alda qoıǵan maqsattaryna jetýge amerıkalyq ınvestısııalardyń ósimi zor úles qosady dep senimdimin. Eldiń damyp kele jatqan naryǵynda amerıkandyq kompanııalar bıznes júrgizýdiń shynaıy seriktesteri bolyp qabyldanady. Qazaqstannyń túrli elder men paradokstardyń basyn qosý qabilettiligi Amerıkany, onyń alshaqtyǵyna qaramastan, Eýrazııa men Uly Jibek jolynyń júreginde ornalasqan óńirdiń tartymdy seriktesine aınaldyrady.
Osy jazda men kórme qonaqtaryn AQSh pavılonyna kelip, adam energetıkasynyń qýatymen shabyttanýǵa shaqyramyn. Sonymen qatar, AQSh pavılony Astana men Vashıngton dostyǵy arqasynda salynǵan ekenin umytpaýyn suraımyn. Pavılon betondyq irgetas pen qaptamadan emes, AQSh pen Qazaqstan arasyndaǵy shynaıy dostyq baılanys negizinde salynǵan.
AQSh Táýelsizdik kúni men Astana kúni qutty bolsyn!
Djoshýa Ýolker,
EKSPO-2017 kórmesindegi AQSh Pavılonynyń prezıdenti