Memleket turǵyndarynyń 8 paıyzdan astamy qazirdiń ózinde balamaly energııa kózderin paıdalanady eken. Bul kórsetkishti mysyrlyqtar aldaǵy 5 jylda kóbeıte túsýdi kózdep otyr. Naqtyraq aıtsaq, olar Egıpetti ekige bólip jatqan Nil ózenin sý elektr stansasyna, al SUES kanalyn jel energııasynyń kózine aınaldyrmaqshy. Al kún energııasy úshin Sahara shólin paıdalaný josparlanýda. Ulttyq kúni ótip jatqan mysyrlyqtar ózderi maqtan tutatyn alyp pıramıdalaryn Astanaǵa ákelipti. «Tabıǵatta taýsylmas tórt energııa bar. Biz usynyp otyrǵan pıramıdanyń tórt qabyrǵasynda sol 4 energııa kórsetilgen. Onyń eń ushar shyńynda adam energııasy beınelengen. Bul tabıǵattyń baılyǵyn tanytar tórt energııany tutynýshy adam resýrsy ekenin bildiredi», deıdi uıymdastyrýshylar.
EKSPO-2017 halyqaralyq mamandandyrylǵan kórmesi aıasynda Egıpet Arab Respýblıkasynyń ulttyq kúni ótti. «Bolashaqtyń energııasy» ataýymen usynylǵan Qazaqstandaǵy biregeı kórme barysynda balamaly energııa kózderin paıdalanýdan alǵashqy ondyqqa kiretin Mysyr eli 1913 jyldan beri kún panelin paıdalanyp keledi.