Álemdi óz ónerimen tánti etip júrgen toptyń shyǵarmashylyq jumysyn Astanada ótkizetini birer aı buryn belgili bolǵan edi. EKSPO aýmaǵynda ornalasqan Energııa hollynda atalǵan ujym konsertin ótkizdi. Olar kórermen nazaryna halyqaralyq sahnalarda oryndap júrgen úzdik týyndylaryn qoıdy. Morıs Shteger shara barysynda Astana qalasynyń sulýlyǵy men EKSPO kórmesi jaıly jyly lebizin bildirdi. Sondaı-aq, ol aldaǵy ýaqytta qazaq eliniń damyǵan memleketterdiń qataryna enetinine senimdi ekenin jetkizdi. The Independent basylymynyń habarlaýynsha, Morıs Shteger álemdegi «úzdik fleıtashy-vırtýoz» atanǵan. Ol búginde Sıýrıh kameralyq orkestri, Frankfýrt sımfonııalyq orkestri, Berlın fılarmonııasynyń orkestri syndy jetekshi orkestrlermen óner kórsetip keledi. «Lautten compagney» orkestri – Germanııanyń belgili ansamblderiniń biri. Volfganga Katchneranyń jetekshiligimen ótkizilip júrgen keshteri ondaǵan jyldar boıy tyńdarmandaryn tánti etip keledi. Sheberlikteriniń arqasynda kópshiliktiń ystyq yqylasyna bólendi. Ansambl búginge deıin túrli syılyqtarǵa ıe boldy. Máselen, 2010 jyly amerıkalyq kompozıtor Fılıp Glasstyń týyndylaryn barokko stılindegi mýzykamen úılestirgeni úshin ECHO Klassik syılyǵyn aldy.
EKSPO-2017 kórmesi aıasynda elimizge túrli memleketterden óner ıeleri kelip, jańa týyndylaryn pash etýde. El astanasyna bul joly álemge áıgili Shveısarııanyń syrnaıshysy Morıs Shteger men Germanııanyń «Lautten compagney» orkestri atbasyn burdy.