Jemisti 20 jyl

Aldymen forýmdy ashqan Bilim jáne ǵylym vıse-mınıstri Elmıra Sýhanberdıeva «Bóbek» ortalyǵynyń 20 jyldyń ishin­de jetken jetistikteri men baǵyn­dyr­ǵan belesteriniń ma­ńyz­dy­lyǵyna toqtaldy.  – «Bóbek» ortalyǵy dese jy­lylyq pen meıirimniń ordasy kóz aldymyzǵa elesteıdi. Táýelsiz elimizdiń kemel bolashaǵy úshin «Bóbek» ortalyǵynyń atqarǵan ju­mysynyń qanshalyqty ma­ńyz­dy bolǵanyn sizder bile­siz­­der. «Bóbektiń» ósý, to­ly­sý, qalyptasý sı­ıaq­­ty ke­zeń­­deriniń bári Sara Alpys­qy­­­zynyń aıryqsha eńbeginiń ar­qa­syn­da iske asyrylyp otyr. 20 jyl «Bóbek» úshin tabys pen meı­irimge toly nátıjeli jyl bol­ǵany barshamyzǵa málim, – dedi Elmıra Amangeldiqyzy.  Mereıli jıyn barysynda óskeleń urpaqtyń rýhanı-adamgershiligi mol azamat retinde qa­lyptasýyna eren eń­bek sińirip kele jatqan «Bóbek» qo­ry­nyń tóraıymy Sara Alpysqyzy sóz alyp, taǵylymdy da, tárbıelik ma­ńy­zy zor ıgilikti shara jaıynda áńgi­me­ni ári­den bastady. – Qashannan osy bir izgilikti isti qol­ǵa alǵandaǵy basty maqsatymyz – bala boıyna rýhanı-adamgershilik qasıetti sińirý bolǵan edi. О́zderińiz bi­le­sizder, biz, kishkene ke­zimizden «jetim jylasa, jer-ana kúńirenedi» degen sózdi ata-ájemizden estip óstik. Allanyń mańdaıyma jazǵany bolar, «О́zin-ózi taný» rýhanı-adamgershilik bilim berý baǵdarlamasyn jolǵa qoıyp, iske asyrdyq. Táýelsizdiktiń alǵashqy jyldary óte qıyn bolǵany eldiń jadynan shyǵa qoımaǵan bolar, jetim balalardy aıalap, qamqorlyqqa alý kerek boldy, – deı kele, Sara Alpysqyzy osy izgilik jolynda jan dúnıesi adamı qasıetke toly jan­darmen birge kele jatqanyn aıt­yp, tárbıe, densaýlyq, bilim be­rý sııaqty bala janyna, jal­py adam balasyna kerekti qa­jet­tilikter týraly aı­typ ótti. Forýmda sondaı-aq Almaty qala­sy ákiminiń orynbasary Arman Qyryqbaev sóz sóılep, osy ýaqyt ishinde ortalyqtyń jas urpaqqa tálim-tárbıe berýde jáne olardyń tulǵa bolyp qalyptasýyna qosyp otyrǵan úlesine toqtalsa, ál-Farabı atyndaǵy Qazaq ult­tyq ýnıversıtetiniń rektory Ǵalymhaıyr Mutanov pen Abaı atyndaǵy Qazaq ulttyq pedagogıkalyq ýnıversıtetiniń rektory Takır Balyqbaev, mádenıet qaıratkeri, professor Qurman Murataev, sýretshi, dosent Sholpan Ábilǵazyqyzy jáne «Habar» agenttigi «О́zin-ózi taný» baǵ­­darlamasynyń prodıýseri Rıta Ken­ja­l­y­qyzy, «Úmit» balalar úıiniń dırektory Maıra Baımuqanqyzy, «О́rleý» biliktilikti arttyrý ulttyq ortalyǵynyń tóraıymy Gúlnaz Ken­jetaıqyzy, «Otbasy jáne ot­ba­sylyq qundy­lyq­tardy qoldaý boıyn­sha qazaq­stan­dyq ata-analardyń qaýym­das­tyǵy» respýblıkalyq qo­ǵamdyq birlestik jetekshisi Ámına Jomartqyzy, Almaty qalasy boı­yn­sha Qazaqstan musylmandary di­nı basqar­ma­synyń qyzmetkeri Álı Baýyrjanuly, Almaty rýhanı semınarııasynyń tárbıe isi jónindegi prorektory, din qyzmetshisi Ioann Lıvınskıı, QHA-nyń múshesi, res­pýb­lıkalyq memlekettik aka­de­­mııalyq koreı mýzykalyq ko­me­dııa teatrynyń dırektory Lıýbov Nı «О́zin-ózi ta­ný» rýhanı-adamgershilik bilim berý baǵ­darlamasynyń erek­sheligine toqtalyp, bul pánniń adam­nyń ózin-ózi tanýy men qor­shaǵan álemge jaǵymdy áseri týraly pikir almasyp, Sara Alpysqyzyna alǵystaryn bildirdi.  Forým qonaqtaryna «Bóbek» or­ta­lyǵynyń 20 jyldyǵyna arnalǵan beı­­nerolık kór­se­tildi. Otbasy, otba­sy­lyq qun­dy­lyq­ta­ry týraly keleli oılarymen bólisti. 

Gúlzeınep SÁDIRQYZY, «Egemen Qazaqstan» Almaty