Merekelik onkúndik mejesi

Sharanyń ashylý rásimine Olımpıada chempıony, Par­lament Májilisiniń depý­taty Serik Sápıev, Qazaq­stannyń eńbek sińirgen ár­tisi Maıra Muha­med­qyzy, Qazaq­stannyń Tuńǵysh Pre­zıdenti qorynyń laýreaty, belgili balet bı­shisi Dos­jan Tabyldy jáne mem­lekettik or­gan­dardyń ókil­deri, mádenıet pen sport qaırat­kerleri, elor­da­myz­dyń turǵyndary men meımandary qatysty.  Áıgili opera ánshisi Maıra Muhamedqyzy As­tananyń tý­ǵan kúni erekshe qýanyshqa bó­leıtin meı­ramdarynyń biri eke­nin atap kórsetti. «Astana bú­gingi tańda búkil álem kóz tigip otyrǵan ǵajaıyp qala­lardyń qatarynan oryn al­dy. Biz osy elor­damyzben birge ósip kele jat­qanymyzǵa qýa­nyshtymyz. Bul qaladaǵy árbir ǵımarattyń ózindik sy­ry bar. Elordamyzdyń ári qaraı damyp, órkendeýine ti­lek­tespin», dedi M.Muha­med­­qyzy. Uıymdastyrýshylardyń aıtýynsha, onkúndik aıasynda kóptegen buqaralyq, má­denı-tanymdyq sharalar jospar­lanǵan. «Kitaphanaǵa kelýshiler úshin «Elbasy já­ne Astana» taqyrybynda bi­re­geı ári keshendi kórme uı­ym­­dastyrylǵan. Onda kóp­shiliktiń nazaryna 60 basylym, 47 arhıv materıal­dary, mýzeı jınaǵynan 30 jádi­ger usynylady. Kórme negiz­gi        3 bó­­limnen turady: Olar «As­tana­nyń qalyptasýy», «As­­tananyń qaı­talanbas beı­nesi» jáne «As­tana – álem­dik ún­qatysý alańy» dep atalady.  Merekelik onkúndik aıasynda ózindik kózqarasy bar áýesqoı fotosýretshiler de anyq­talyp, «Máńgilik El» saltanat qaq­pasy – qazaqstan­dyqtardyń kózimen» taqy­rybyndaǵy fo­to­baıqaýdyń jeńimpazdary marapattalady.  Sonymen qatar, bilimin synaýǵa nıet bildirgender úshin «iDos» gıd-roboty zııat­kerlik vıktorına ótkizip, durys jaýap bergenderge sertıfıkat tabystalady. Budan bólek 5 shilde kúni kitaphana qabyrǵasynda Kıno kúnderi ótetinin aıta ketken jón. Onyń barysynda «Elbasy joly» kınoepopeıasynyń fılmderi kórsetiledi.  Onkúndik shildeniń 1-nen 10-na deıin jalǵasady. Onyń aıasynda taqyryptyq jáne sholý ekskýrsııalary ótkiziledi.

Raýan QAIDAR, «Egemen Qazaqstan»