Jumys otyrysy barysynda latyn grafıkasy negizindegi jańa ulttyq álipbı jobasyn júzege asyrýda kezdesetin ózekti suraqtar men dybysty tańbalaýda qıyndyq týdyratyn áripterdiń máselesi talqylandy. Jumys otyrysyna elimizge tanymal ǵalymdar, qoǵam belsendileri, qoǵamdyq jáne gýmanıtarlyq baǵyttaǵy ǵylymı-zertteý ınstıtýttarynyń qyzmetkerleri, JOO oqytýshy-professorlary qatysty.
Qazirgi ýaqytta latyn grafıkasyna kóshý týraly ǵalymdardyń usynysy óte kóp. Solardyń bárin tyńap, tehnıkalyq ǵylymdardyń da mamandarynyń bir aýyz sózderi men dáıekti pikirlerin ortaǵa salyp baryp, sońǵy úkim shyǵarylady. Kompıýterlerge latyn grafıkasy negizinde qazaq tili qalaı kórinis tabady degen suraqtarǵa jaýap izdegen ǵalymdar kún tártibindegi máseleni qyzý talqylady.
Jumys tobynyń kezekti otyrysynda L.N.Gýmılev atyndaǵy Eýrazııa ulttyq ýnıversıtetiniń professory, «Jasandy ıntellekt» ǵylymı-zertteý ınstıtýtynyń dırektory Sháripbaev Altynbek Ámirulynyń latyn álipbıi jaıly usynysy; Tanymal altaıtanýshy, kónejapon-kónetúrki tilderi jáne elektronıka mamany, fılologııa ǵylymdarynyń doktory, professor Ázerbaev Erǵalı (Máskeý) myrzanyń latyn álipbıi týraly usynysy; «Bilim Media Group BMG» tóraǵasy Raýan Kenjehanulynyń latyn álipbıi týraly usynysy; Halyqaralyq aqparattyq tehnologııalar ýnıversıtetiniń kompıýter jáne IT mamandarynyń latyn álipbıi týraly usynysy ortaq talqyǵa tústi. Álipbılik jáne orfografııalyq erekshelikter týraly pikirler bir toqtamǵa kelmeı ortaq sheshim shyqpaıdy. Jyldyń aıaǵyna deıin óz jumysyn jalǵastyryp, jyl sońynda jumys toby naqty toqtamdaryn aıtatyn bolady.
Baǵashar TURSYNBAIULY, «Egemen Qazaqstan» Almaty