Qaınarbekov Gamlet Tórehanuly 1968 jyly týǵan, bilimi joǵary, 1995 jyly Sankt-Peterbýrg memlekettik ekonomıka jáne qarjy ýnıversıtetin «ekonomıst» mamandyǵy boıynsha bitirgen, ekonomıka ǵylymdarynyń kandıdaty.
Eńbek jolyn 1999 jyly Almaty qalasynda «Makonsalt» JShS-da konsýltant bolyp bastaǵan. 1999-2000 jyldary «Avto-Merkýr» JShS-niń ekonomısti, 2000-2001 jyldary «Kómir Bank» basqarmasynyń tóraǵa kómekshisi, 2001 jyldyń maýsym-qazan aılary aralyǵynda «Kómir Bank» basqarmasynda bas maman, 2001-2002 jyldary «Trabolt-Qazaqstan» JShS-niń atqarýshy dırektory, 2002 jyldyń sáýir-maýsym aılary aralyǵynda «Makonsalt» JShS-niń bas konsýltanty, 2002-2004 jyldary Qyzylorda oblysy ákiminiń kómekshisi, 2004 jyldyń maýsym-jeltoqsan aılary aralyǵynda Qyzylorda oblysynyń ónerkásip jáne kólik basqarmasy bastyǵynyń orynbasary, 2005 jyldyń qańtar-maýsym aılary aralyǵynda Qyzylorda oblysynyń jolaýshylar kóligi jáne avtomobıl joldary basqarmasy bastyǵynyń orynbasary, 2005-2007 jyldary Jambyl oblysy ákimi apparatynyń uıymdastyrý-ınspektorlyq bóliminiń bas ınspektory, 2007 jyldyń sáýir-qazan aılary aralyǵynda «Atakent» Qazaqstan isker yńtymaqtastyq ortalyǵynda bas menedjer, 2007-2008 jyldary «Áýlıe-Ata-Atakent» JShS-niń dırektory, 2008-2009 jyldary «Kardıohırýrgııa ortalyǵy» JShS dırektorynyń orynbasary, 2010-2011 jyldary Jambyl oblysy ákimi apparatynyń kadrlyq jumys bóliminiń meńgerýshisi, 2011-2017 jyldary Jambyl oblysy ákimdiginiń dene shynyqtyrý jáne sport basqarmasynyń basshysy qyzmetterin atqarǵan.