Dástúrli mýzykanyń darabozdary óner kórsetti

3 shilde kúni ashylǵan fes­tıvalde Janǵalı Júzbaı, Aıgúl Úlkenbaeva, Serjan Shá­ki­ratov syn­dy kúı­shiler, «Turan» etno-fol­klor­lyq ansambli, Er­kin Shúkimanov, Erlan Rys­qalı, Klara Tólenbaeva syndy án­shiler, qobyzshy Saıan Aqmolda, taǵy da basqa qazaqstandyq dás­túrli mýzy­kanyń maıtalmandary óner kórsetti. Kórermen qaýym qumyq jyrshysy Zýganat Chý­naeva, Tývadan kelgen óner­paz Nıkolaı Oorjak, monǵolııalyq sybyzǵyshy Baýyrjan Mu­hametbaı, ázerbaıjandyq Arsylan Novrasly jáne basqa da has sheberlerdiń ónerine qol soqty. – «Astana – Arqaý» – túrki halyqtarynyń tamyry tereńde jatqan mýzy­kalyq muralaryn damytýǵa, týystas halyq­tardyń arasynda mádenı baılanys ornatýǵa baǵyt­talǵan shara, – deıdi uıym­dastyrýshylar. Túrik mádenıetin jań­ǵyrtýǵa, ulttyq dástúrdi na­sıhattaýǵa, halyq bir­ligin nyǵaıtýǵa úles qo­syp jatqan shara bıyl onyn­shy jyl qatarynan uıym­das­ty­rylǵanyn atap ótken jón.

Aıbyn AQPATShA