Eýrazııa keńistiginde saıası, ekonomıkalyq, mádenı aýqymdy ózgeris bastalǵan 90-jyldardan keıingi ýaqytta Qazaqstan óńirlik qana emes, álem nazarynda bolyp keledi. Qandaı da bir reformany tıimdi saıasatpen basqaryp, memleket bolashaǵyn salmaqty boljap, naqty is-sharalar qabyldap otyrǵan bul jas memlekettiń ózindik erekshelikteri kóp.
Bul oraıda el damýynda erekshe ról atqaryp otyrǵan Memleket basshysynyń róli zor. Basqasha jetkizer bolsaq, Prezıdent Nursultan Nazarbaevtyń alysty boljaǵyshtyǵy, eline, ultyna degen ystyq iltıpaty erekshe. Qazaqstannyń ekonomıkalyq, qoǵamdyq ahýalynda, saıası ómirinde birqatar aýyr synaq, qıyndyqtar bolǵany shyndyq. Búginde onyń barlyǵy ótken shaqtyń enshisinde qaldy. N.Nazarbaev memleketti odan ári damytý maqsatynda jańǵyrý týraly bastama kóterip, onyń qajettiligi, maqsaty, qaǵıdalary, qundylyqtary syndy teorııalyq negizderin utymdy kórsete bildi.
Sarkyt ZÚLFIKAR, professor, Mońǵolııa Úkimeti janyndaǵy Basqarý akademııasynyń rektory