Oblys ákimi Amandyq Batalov Bestibaevtar otbasyna arnaıy baryp quttyqtady. Elbasynyń atynan nárestege arnalǵan qural-jabdyqtar, besik, tósek, qol arba, oıynshyqtar sekildi qajettilikterdi syıǵa tartqan oblys basshysy: «Elimizdiń on segiz mıllıonynshy turǵynynyń Almaty oblysynyń ortalyǵy Taldyqorǵan qalasynda dúnıege kelgeni – bárimiz úshin erekshe qýanyshty oqıǵa. Demografııalyq ósimniń jyldan jylǵa ulǵaıyp kele jatqany halyqtyń Elbasymyzdyń salıqaly saıasatyna, Qazaqstannyń bolashaǵyna degen seniminiń zor ekenin bildiredi. Jas urpaqtyń alańsyz ósip, bilim alýyna elimizde barlyq jaǵdaı jasalyp keledi. Elbasynyń atynan, Jetisý jurtshylyǵynyń atynan osy aıtýly oqıǵamen shyn júrekten quttyqtaımyn. Kishkentaı náreste aman-saý ósip, er jetip, eldiń abyroıly azamaty bolsyn!», dedi. Sondaı-aq, aımaq basshysy qalada kúzge taıaý paıdalanýǵa beriletin jańa turǵyn úıden jas otbasyna 3 bólmeli páter beriletinin jetkizdi. О́z kezeginde Múslımanyń atasy Erkinbek Bestibaev pen ájesi Bıbitaı Jasybaeva kishkentaı nárestege, jas otbasyna, jalpy, óz áýletterine kórsetilgen úlken qurmet pen syı úshin Prezıdentke, oblys basshylyǵyna rızashylyǵyn bildirdi.
Almas NÚSIP, «Egemen Qazaqstan» Almaty oblysy