Aýyz sý máselesi ózekti bolyp tabylatyn óńirde qıyndyqty eńserý baǵytyndaǵy jumystar júrgizilýde. Ásirese, aýyz sý problemasyn sheshýge Memleket basshysy N.Nazarbaevtyń «Nurly jol» baǵdarlamasy yqpal etýde. Astana kúni qarsańynda, osy merekege syı retinde Aqtaýda Kaspıı sý tushytý zaýyty jańǵyrtylyp, iske qosyldy.
Zaýyttyń ónimdiligi buǵan deıin kúnine 10 myń tekshe metr tushytylǵan aýyz sýǵa múmkindik beretin bolsa, endi, ıaǵnı jańǵyrtýdan keıin kúnine 30 myń tekshe metr tushy sý bere alatyn bolady.
Saltanatty sharada oblys ákimi E.Toǵjanov zaýytta qaıta jańǵyrtý jumystarynyń jalǵasatyndyǵyn jetkizdi. Jumystar nátıjesinde keler jyly sý tushytý kólemi kúnine taǵy da 20 myń tekshe metrge kóbeımek.
Gúlaıym Shyntemirqyzy,
"Egemen Qazaqstan"
Aqtaý