Merekelik sharalar legi qalanyń shaǵyn aýdandarynda ótken konserttik baǵdarlamamen bastalyp, shahar jastary «EXPO 2017» kórmesiniń aıasynda túrli aksııalarǵa qatysyp, jeńimpazdar halyqaralyq sharaǵa baryp qaıtý múmkindigine ıe boldy. Al Semeıde «Qymyzmuryndyq» festıvali uıymdastyrylyp, qala turǵyndaryna Abaı aýdany Sarjal aýylynyń qymyzy taratyldy.
«Altyn Turǵysyn» H halyqaralyq óner festıvali de Astana kúnimen tuspa-tus kelgenin aıta keteıik. Zyrıan aýdanynda ótetin festıvalge oblystan ǵana emes, respýblıkamyz jáne kórshiles memleketterdiń ónerpazdary da qatysady. Sonymen qatar, merekege oraı Shalqar kóline (úshinshi Sibe kóli) qatynaıtyn «О́skemen – Shalqar» avtobýs marshrýty da óz jumysyn bastady.
Merekelik sharalar qos shaharda ótetin keshki konserttik baǵdarlamalarmen jalǵasyn tabady. Sonyń ishinde О́skemen qalasynyń turǵyndaryna "X-Fastor" jobasynyń jeńimpazy Evgenıı Vyblov jáne reseılik NTV arnasy ótkizgen halyqaralyq «Ty – sýper» jobasynyń qatysýshysy Vlad Loskýtov ánnen shashý shashatyn bolady.
Azamat QASYM,
"Egemen Qazaqstan"
О́SKEMEN