EKSPO kórmesiniń mıllıonynshy bıletin satyp alǵan Ońtústik Qazaqstan oblysynyń turǵyny Qaırat Mamaev Astana kúni qarsańynda kórme qalashyǵyn aralady, dep habarlaıdy elorda.info.
Qaırat Mamaev sátti bıletti sáýir aıynda satyp alǵan. Ol Shymkenttegi joǵary oqý oryndarynyń birinde ınnovasııalyq tehnologııalar jónindegi prorektor bolyp qyzmet atqarady.
«EKSPO kórmesindegi ınnovasııalyq jańalyq pen ǵylymı izdenisterdi tamashaladym. «Nur álem» sferasy men sheteldik pavılondardyń áleýetimen tanystym. Mıllıonynshy bıletti satyp alǵan kezde kórme ákimshiligi Astanaǵa arnaıy shaqyrtyp, qonaq etti, baǵaly syılyqtar tapsyrdy», - deıdi ol.