Oblystyq ishki ister departamentiniń basshylyǵy jergilikti bılik oryndarymen birlese otyryp, baspana máselesin sheshýdiń tıimdi joldaryn oılastyrǵan. Onyń jaǵymdy bir mysaly retinde jýyrda ıesiz qalǵan jataqhananyń qalpyna keltirilip, oǵan 40 tártip saqshysy qonystanǵanyn aıtýǵa bolady. Budan bólek, 11 qyzmetker «Nurly jer» baǵdarlamasy arqyly jaıly páterlerge qol jetkizdi.
Astana kúni jáne Qazaqstan polısııasynyń 25 jyldyǵyna oraı «Jas órken» 100 páterli kópqabatty turǵyn úıdiń iretasy qalandy.
«Adamdardyń tynyshtyǵyn, qoǵamnyń qaýipsizdigin qamtamasyz etýde polısııa qyzmetkerlerine zor jaýapkershilik júkteledi. Olar osy talap bıiginen abyroımen kórinip keledi. Búgin alǵashqy kirpishi qaǵylǵan baspana tártip saqshylary úshin salynyp, 2018 jyly paıdalanýǵa beriledi», – dedi aımaq basshysy Qumar Aqsaqalov.
«Turǵyn úı jınaq banki» AQ oblystyq fılıalynyń tóraıymy Raıhan Ábdirahmanovanyń aıtýynsha, «О́z úıim» baǵdarlamasy boıynsha kópqabatty úsh turǵyn úı salý josparlanǵan. Ár sharshy metriniń baǵasyn 125 myń teńgeden asyrmaý belgilengen.
Polısııa kapıtany Aıgúl Sábıtova eki ul-qyz tárbıelep otyr. Joldasy qyzmettik mindetin atqarý kezinde erlikpen qaza tapqan. Endi osy otbasy kelesi jyly baspanaly bolatynyna senimdi.
О́mir Esqalı, «Egemen Qazaqstan» Soltústik Qazaqstan oblysy.