Olardyń izine túsken oblystyq uıymdasqan qylmysqa qarsy kúres basqarmasy shekara qyzmetimen birlese otyryp, kezekti quqyq buzýshylyqtyń jolyn kesti. Kúdiktiler Reseı aýmaǵyna 6 ózbek azamatyn shekaradan ótkizý kezinde qolǵa túsken. Olardyń bári óńir turǵyndary bolyp shyqty.
«Qylmystyq top músheleri Ortalyq jáne Orta Azııa elderinen Reseı Fenderasııasyna mıgranttardy shekaradan ótkizip otyrǵan. Mıgranttardyń kórshi memleketke ótý ruqsatnamalary bolmaǵan», – deıdi uıymdasqan qylmysqa qarsy kúres basqarmasynyń basshysy Álıhan Baıqadamov.
Osylaısha, bes teriskeıliktiń qolyna kisen salynǵan. Munymen qosa taǵy bir top О́zbekstan azamatyna jasalmaq bolǵan qaraqshylyq shabýyldyń beti qaıtaryldy. Betperde kıgen 4 qylmysker olardy qorqytyp, shekaradan zańsyz ótkizýge áreket jasaǵan.
Barlyq kúdiktiler ustalyp, tergeý ızolıatoryna qamaldy. Qylmystary dáleldengen jaǵdaıda Qylmystyq Kodekstiń «Zańsyz mıgrasııa uıymdastyrý», «Uıymdasqan top quryp, ony basqarý» jáne «Qaraqshylyq» baptary boıynsha jazaǵa tartylatyn bolady.
О́mir Esqalı, «Egemen Qazaqstan» Soltústik Qazaqstan oblysy