Eýropa lıgasy birinshi irikteý kezeńiniń qarymta kezdesýinde Almatynyń «Qaıraty» lıtvalyq «Atlantaspen» kezdesti.
Alǵashqy matchta qarsylasyn 6:0 esebimen oısyrata utqan «Qaırat» qarymta oıynda da «Atlantastan» basym tústi.
Birinshi taımda gol jibergenine qaramastan Shadadze shákirtteri oıyn tizginin óz qoldaryna ala bildi. Birinshi goldy Ivo Ilıchevıch soǵyp esepti teńestirse, artynsha «Qaırattyń» surmergeni Jerer Goý komandasyn alǵa shyǵardy. Almatylyq ujym match barysynda kóptegen múmkindikterin tıimdi paıdalanbady. Degenmen, alǵashqy kezdesýde qarsylastaryna jaýapsyz 6 gol soqqan olardyń kelesi kezeńge qınalmaı ótetini belgili boldy. Sol sebepti «Qaırat» fýtbolshylarynyń Qazaqstan premer-lıgasyndaǵy kelesi oıynǵa kúshterin únemdeýlerine tolyq negiz bar edi.
Al match sońyna qaraı «Qaırattyń» bas bapkeri jas oıynshylardy tekserip kórdi. Sonyń biri «Qaırat» akademııasynyń túlegi men Qazaqstan jastar quramasynyń kapıtany Aıbol Ábiken Andreı Arshavındi almastyrdy. Goý men Ilıchevıchtiń soqqan goldarynan keıin tablodaǵy esep ózgermedi (1:2). Osylaısha, eki oıyn nátıjesi boıynsha qarsylas qapasyna segiz gol soǵyp, bir gol jibergen «Qaırat» Eýropa lıgasynyń ekinshi irikteý kezeńine joldama aldy.
Aıta keteıik, «Qaırattyń» ekinshi kezeńdegi qarsylasy «Skenderbeý» – «San-Hýlıa» kezdesýinde anyqtalmaq.
Sondaı-aq Eýropa lıgasy birinshi irikteý kezeńiniń qarymta oıynynda Pavlodardyń «Ertis» komandasy bolgarııalyq «Dýnavtan» basym tústi.
Pavlodarda bolgarlardy 1:0 esebimen tize búktirgen «Ertis» oıynshylary qarymta kezdesýge de joǵary daıyndyqpen kelgenderin baıqatty. Syrt alańda tájirıbeli komandaǵa qarsy oıyn ótkizýdiń qıyn ekeni belgili. Degenmen, jerlesterimiz qorǵanysta da, shabýylda da saýatty oıyn kórsetip, jeńiske jetti (0:2). Matchtyń alǵashqy mınýttarynda «Ertistiń» ortalyq qorǵaýshysy Marıo Maslach buryshtamadan kóterilgen dopty qaqpaǵa dál baǵyttap, komandasyn alǵa shyǵardy. Al oıynnyń aıaqtalýyna birer mınýt qalǵanda jartylaı qorǵaýshy Aslan Darabaev esepti eseledi. Osylaısha, eki kezdesýdiń qorytyndysy boıynsha qarsylasynan 3:0 esebimen basym túsken «Ertis» Eýropa lıgasynyń kelesi irikteý kezeńine ótti.
Eýropa lıgasy birinshi irikteý kezeńiniń qarymta kezdesýinde Shymkenttiń «Ordabasy» komandasy bosnııalyq «Shırokı Brıegti» qabyldady. Almatynyń Ortalyq stadıonynda ótken matchta esep ashylmady (0:0).
Syrt alańda qarsylasyna ese jibergen shymkenttikter qarymta oıynda birden shabýylǵa umtyldy. Birinshi kezdesýde 2:0 esebimen utylǵan «Ordabasy» komandasyna kelesi kezeńge ótý úshin barynsha jyldam gol soǵý qajet edi. Alaıda, «Shırokı Brıeg» fýtbolshylary qorǵanysta saýatty oıyn kórsetip, qarsylasynyń shabýyldaryna tosqaýyl qoıa bildi.
Ekinshi taımda Petrýshın shákirtteri qysym kórsetip, shabýyldaryn údete tústi. Kezdesýdiń 49-mınýtynda keremet kombınasııadan keıin Vıtalıı Lı qaýipti soqqy jasady. Al 54 mınýtta sol Vıtalıı Lı taǵy bir múmkindikti múlt jiberdi. Sońyna qaraı oıyn qyzı tústi. Qos qarsylas bir-birin aıamaı, dóreki oınady. Nátıjesinde, Samat Smaqov jaraqat alyp, alańnan ketýge májbúr bolsa, Erkebulan Tuńǵyshbaev bosnııalyq fýtbolshynyń aıaǵynan teýip, sary qaǵaz aldy. Alma kezek shabýyldardyń birinde qonaqtar Almat Bekbaevtyń qaqpasynyń aldynda asa qaýipti jaǵdaı týǵyzdy. Abyroı bolǵanda, «Ordabasynyń» qorǵaýshysy Temirlan Erlanov bos qaqpadan dopty alyp shyqty. Osylaısha, birinshi kezdesýde 0:2 esebimen jeńilgen shymkenttikter qarymta oıynda qarsylas qaqpasynan sańylaý taba almady. Sóıtip, Eýropa lıgasyndaǵy joryǵyn birinshi irikteý kezeńinen aıaqtaýǵa májbúr boldy.