Biz – bir elmiz, birtutas halyqpyz

Rýhanı kelisim kúni aıasynda el aýmaǵynda qaıyrymdylyq sharalaryn uıymdastyrý týraly ıgi bastamany taıaýda Halyqaralyq «Rýhanı kelisim kongresi» qoǵamdyq qorynyń prezıdenti, Parlament Senatynyń depýtaty Tólegen Muhamedjanov kótergen bolatyn. Buǵan deıin rýhanı kelisim kúni aıasynda el aýmaǵynda jalpy sany 60 000 otandasymyz qatysqan qaıyrymdylyq sharasy ótken edi. Bıylǵy jyly da osy dástúrdi jańǵyrtyp, qaıyrymdylyq aksııasyn jańǵyrtý qajettigi týraly usynysty Astana qalasyndaǵy úkimettik emes uıymdar da qoldap, ózderiniń otandastarǵa úndeýin taratty. Úndeýde bylaı delinedi. Qurmetti qazaqstandyqtar! Otan­dastar! Qazaqstan Respýb­lı­kasynyń táýelsizdigine 20 jyl tolyp otyrǵan bıylǵy aı­ryqsha jylda biz qasıetti táýel­sizdiktiń adamdar boıynan qan­daı shyǵarmashylyq ekpin, qan­daı tyń kúshter ashqandyǵynyń kýási bolýdamyz. Tarıh qoınaýyna engen bul jyldar aralyǵynda bizdiń ha­lyq óziniń ultaralyq qarym-qa­tynastyń tepe-teńdigin saqtaı oty­ryp, beıbit ómir súre ala­tyn qonaqjaı el ekendigin kór­se­te bildi, jańa rýhanı basta­ma­lardy týdyra aldy. Osyndaı bastamalardyń qatarynda Rýhanı kelisim kúni atty erekshe mereke de bar, aıta keterlik jáıt – dál osyndaı erekshe kún álem­niń bir de bir elinde joqtyǵy. Bul bastama 1992 jyly 18 qa­zan­da Almaty qalasynda ótken I Búkilálemdik Rýhanı kelisim kúni aıasynda kóterilip, el tara­pynan qoldaý tapqan edi. Arada bes jyl ótkende 1997 jyly osy merekege oraı merekelik dastarqan Qazaqstannyń túkpir-túk­pi­rinde uıymdastyrylyp, oǵan jal­py sany 60 myń adam qa­tysqan edi. Olardyń báriniń ba­syn bir jerge qosqan birlik, izgilik pen qaıyrymdylyq, jetimderge, qarttar men jalǵyz­ilik­ti jandarǵa, naýqas jandar men múgedekterge degen oń nıet bolatyn. Bizdiń Elbasymyz Nursultan Nazarbaevtyń rýhanı kelisim qoz­ǵalysyna bergen joǵary ba­ǵasyn maqtan tutamyz, osy kúni óziniń barsha qazaqstandyqqa degen izgi tilekterin de joldaǵan edi. Qurmetti otandastar, Rýhanı kelisim kúni aıasynda biz bar­shańyzdy, qaıyrymdylyq qaǵı­da­laryn saqtaı otyryp, bir-bi­rimizge kómek berýge, qaıy­rym­dylyq qajet kezde súıeý bolýǵa shaqyramyz. Bul adam óziniń jany izgi pende ekenin túsinetin, Jaratýshy ıeniń «bergen adam­nyń qoly semip qalmaıdy» degen sózderin negizge alý kerek. Demeýshilik – bul tek qana jaqsy yqylas emes, bul izgilik pen qaıyrymdylyqtyń júrek­ten shyqqan shynaıylyǵy. Bul eger shyn júrekten shyqqan ıgi qasıetter bolsa qaıyrym­dy­lyq­qa qol jetkizgen adamnyń da júregine izgilik nuryn seberi sóz­siz. Osy arqyly adamdar ara­syndaǵy rýhanı baılanys or­naıdy. Biz búgin kásipkerlerdi, saıasatkerlerdi, qoǵam qaırat­ker­le­rin jáne dinbasylaryn, respýb­lı­kamyzdyń barlyq azamat­ta­ryn 18 qazan kúni ótetin qaıy­rym­dylyq astarǵa atsalysýǵa shaqyramyz. Dastarqan basynda bir úzim nandy bólip jeýdiń biz­diń halyq úshin qandaı maǵy­nasy baryn bárimiz de bilemiz. Bul kún bizdiń barshamyz úshin rý­hanı kelisimniń mereıin kóter­gen, ult pen dinge bólinbeı bir­ge atap ótetin merekege aınalsyn. Úndeýge belsendi jastar aty­nan qoǵam, ǵylym, úkimettik emes uıymdar ókilderi qol qoıǵan.