Jasyryn sehty uıymdastyrǵan qostanaılyq er adam ustaldy. Ony Ishki ister mınıstrliginiń uıymdasqan qylmyspen kúres jónindegi bóliminiń qyzmetkerleri «Baıkal» markaly tórt tapanshany 32 patronymen sataıyn dep turǵanda qolǵa túsirgen.
Ol myltyqtardy jasyryn túrde suranym boıynsha qaıta jasap berip otyrǵan. Kúdiktige tintý júrgizilgende, onyń garajy men sehynan 2 tapansha, 3 tegis uńǵyly jáne shaǵyn uńǵyly myltyqtar, 3 PM tapanshasynyń báseńdetkishi, túrli kalıbrge 2 myńnyń syrtynda patron, oq atatyn qarýldardyń qosalqy bólshekteri, qarý jóndeýge qajetti jabdyqtar, patrondar jasaıtyn zattar, 500 gramm oq dári jáne 8 ańshy pyshaǵy tabylǵan. Qazir sotqa deıingi tergeý jáne saraptaý jumystary júrgizilip jatyr.
Názıra Járimbetova,
"Egemen Qazaqstan"
Qostanaı