2011 jyldan beri jalǵasyp kele jatqan bul ıgi joba Memlekettik baǵdarlamany iske asyrý jáne qazaq tilin kórkeıtýdi maqsat tutqan. Fılm bastalarda oblystyq mádenıet basqarmasynyń basshysy Erlan Qalmaqov búkil álem moıyndaǵan Gollıvýd fılmderiniń qazaq tilinde sóıleýi kórermender úshin zor qýanysh ekenin aıtty.
«Bıýdjeti orta eseppen 200 mln dollardy quraıtyn álemdik blokbasterler joǵarǵy sapaly dýblıajdyń nátıjesinde múlde ulttyq bolyp qalyptasady. Álemdik kıno jaýharlarynyń keıipkerleri qazaq tilinde sóıleıdi, fılmder burynǵydan da túsinikti, rýhanı baıyta túsedi» dedi Erlan Bolatuly.
Dýblıajdardyń arqasynda búginde qazaq tili Sony Pictures stýdııasynyń 7 – shi tili, Walt Disney stýdııasynyń 39-shy tili jáne álem boıynsha DVD, Blu-Ray boıynsha tamashalaýǵa qol jetimdi gollıvýdtyq fılmderdiń 7 negizgi tilder qataryna endi. Fılmdi kórýge úlken-kishi kóp jınaldy.
«Balalarymyzdyń gollıvýdtyq ataqty óner shyǵarmasyn ana tilimizde tamashalaǵany qandaı ǵanıbet! О́zime de aýdarma óte unady, aýdarmasy sapaly, túsinikti, sonymen qatar akterlerdiń sózdi jegizip, anyq aıtýy qazaq tildiń mereıin asyra tústi» deıdi kórermen, kóp balaly ana Qarlyǵash Balapanova.
Názıra Járimbetova,
«Egemen Qazaqstan»
Qostanaı