Aıta keterligi, bıylǵy shaqyrylymnyń sarbazdary – elimizdiń barlyq óńiriniń ókilderi, olar Astanada ótip jatqan EKSPO-2017 halyqaralyq kórmesiniń qaýipsizdigin qamtamasyz etýge qatysady. Saltanatty shara barysynda áskerı orkestrdiń súıemeldeýimen elimizdiń Ánurany oryndalyp, kók týymyz joǵary kóterildi. Áskerı bólim komandıriniń quttyqtaýynan keıin, sarbazdar birinen keıin biri saptyq alańǵa shyǵyp, saltanatty túrde áskerı ant qabyldady. «Bıyl jaýyngerlerge úlken jaýapkershilik júktelip otyr. Olar elordanyń kóshelerinde qoǵamdyq tártip pen qaýipsizdikti qamtamasyz etedi. Sondaı-aq, EKSPO-2017 halyqaralyq kórmesi aıasynda ótetin buqaralyq sharalardyń tynyshtyǵyn kúzetýge atsalysady. Áskerı ant qabyldaǵan sarbazdar artylǵan úlken senimdi aqtaıdy dep bilemin», deıdi 5573 áskerı bóliminiń komandıri, polkovnık Sákentaı Shekarbekov.
Qazaqstan Respýblıkasy Ulttyq ulanynyń 5573 áskerı bóliminde 800-ge jýyq jas sarbaz saltanatty túrde áskerı ant qabyldady. Sharaǵa jas sarbazdardyń 3500-deı jaqyndary men týystary keldi.