Etene baılanystyń tıimdi quraly

«Nur Otan» partııasynyń Qoǵamdyq qabyldaý bólimi ha­lyq­pen etene baılany­sý­dyń eń bir tıimdi quralyna aınaldy. Búgingi kúni «Nur Otanda» turaqty túrde depýtattarmen, memlekettik jáne quqyq qorǵaý organdary, bank­ter, basqa da mekeme bas­shy­larymen  azamattardy qa­byl­daý ótkizilip, Qazaq­stan advokattar odaǵy jáne «Qo­ǵamdyq qorǵaýshy» RQB ókil­derimen tegin keńes berý kóme­gi kórsetiledi. Al búginnen bas­­tap par­tııanyń qoǵamdyq qabyldaý bóliminde TKSh jáne qurylys isteri jónindegi agenttigi, TKSh qazaqstandyq ortalyǵymen birlesip ár apta saıyn konsýltasııalyq ke­ńes berý ótkiziletin bolady.   Bul sheshim qazannyń 4-i kúni Ortalyq apparattyń Qoǵamdyq qabyldaýynda, partııa Tóraǵasy­nyń birinshi orynbasary Nurlan Nyǵmatýlınniń qatysýymen bol­ǵan qabyldaý kezinde aıtyldy. Jańa jumys tártibin engizý usy­nysyn «TKSh QazOrtalyǵy» bas­qarmasynyń tóraǵasy Álıhan Bıjanov alǵa tartty. Turǵyn úı-kommýnaldyq sha­rýa­shylyǵyn jańǵyrtýdyń 2020 jylǵa deıingi baǵdarlamasy aıa­syn­da 11 myńnan astam úıler men  81 myńnan astam jylý-elek­tr jáne kógildir otyn jelilerin jóndeý kózdelgen. Qazaqstanda osy salanyń zamanaýı úlgileriniń engizilýi kóptegen saýaldardyń týyndaýyna sebepshi bolýda. Son­dyqtan qoǵamdyq qabyldaýǵa túsken suraqtar legi qazaq­stan­dyq­tar úshin jaıly turǵyn úı máse­lesi birinshi kezekte tura­ty­nyn kór­setip otyr. Tek qyrkúıek aıy­nyń ózinde turǵyn úı-kom­mý­naldyq sha­rýa­­shylyǵy boıynsha túsken óti­nishter sany ótken jyl­dyń osy ýaqy­tymen salys­tyr­ǵanda  3,2 paıyzǵa artqan. «Bıznestiń jol karta­sy-­2020» baǵdarlamasy aıasynda  Shýche-Býrabaı kýrorttyq aı­maǵy eresekter men balalardyń belsendi demalys ortalyǵy jo­ba­syn qarjylandy­rýǵa kómek­te­sý. Bul da búgin qabyldan­ǵan ma­ńyzdy sheshimder­diń biri. Or­talyq ǵımaraty úshin áli tolyq salynbaǵan mektep-gınazııanyń qurlysy paıdalanyl­maq. Osy jerde oıyn-saýyqqa qajettiniń barly­ǵymen  qamtama­syz etilgen balalar qalashyǵy boı kótermek. «Nur Otan» partııasy Tór­aǵa­synyń birinshi orynbasarynyń qabyldaýyna kelgenderdiń bar­ly­ǵy óz saýaldaryna jaýap aldy. Halyq arasynda «Nur Otan­ǵa» degen senimniń artqanyn sandar da dáleldeıdi. Aıtalyq, jyl basynan beri qoǵamdyq qabyldaý bólimine 50 myńnan astam ótinish túsken, onyń 20 myńy jazba túrinde.  О́tinishterdiń 45 paıyz­dan astamy memlekettik organdar qa­raýyna joldanyp, oń sheshimin tapqan.