Mundaı sheshim Ystanbul qalasynda ótip jatqan 22-shi Dúnıejúzilik munaı kongresi aıasynda qabyldanǵan.
Jambolat Sársenov jańa qyzmetinde barlyq qatysýshylar arasyndaǵy qarym-qatynasty ońtaılandyrý, ulttyq jáne halyqaralyq munaı kompanııalaryn ári qaraı tıimdi damytý maqsatynda keńestiń oń bedelin kúsheıtý ári ilgeriletý sııaqty mańyzdy baǵyttar boıynsha Dúnıejúzilik munaı keńesine múshe elderdiń jumystaryn úılestiredi. Sonymen qatar ol Batys pen Shyǵys memleketterdiń, ásirese aǵylshyn tilinde sóılemeıtin elderdiń munaıǵa baılanysty múddeleri men tájirıbelerin biriktirýge qatysty máselelerge jetekshilik etedi. DMK aıasynda talantty mamandar men tájirıbeli kásipqoı mamandardyń daǵdylary men quzyretin biriktirý jáne úılestirý de Sársenovtyń basqarýynda bolmaq.