О́rt Kókalat eldi mekeninen 35 shaqyrym jerdegi«Kúzdik karasý» degen jaıylymda oryn alǵan. Qyzyl jalyn 320 gektardy qamtyǵan. О́rt bolǵan jerden «Aıdar» sharýa qojalyǵy shopanynyń múrdesi tabylǵan. Sonymen qatar 1 myńnan asa ýaq mal qyzyl otqa kúıip qyrylǵan.
«О́rtti sóndirýge aýdan aýmaǵyndaǵy Aqkól erikti órt sóndirý qurylymynan, «Altyn dala» tabıǵat qorǵaý kásipornynan barlyǵy 86 adam, 23 tehnıka jumyldyryldy. Negizgi kómek 6 shildede jetkizilgen. Dalanyń jeli órtti kúsheıtip jibergen. Qazir órt tolyq sóndirildi» dedi Azamat Nýbaıuly.
5 shildede bastalǵan órt 8 shildede bir-aq aýyzdyqtalǵan. Adam men mal shyǵynynyń bolý sebebi órttiń ýaqytynda sóndirilmegendiginen, tehnıkanyń azdyǵynan degen aqparattar bar ekendigin aıtty jýrnalıster. Azamat Nýbaıulynyń aıtýynsha, Jankeldın aýdandyq tótenshe jaǵdaılar bóliminde 3 tehnıka, 14 jeke quram bar. Al jýrnalıster jergilikti jerden jetken aqparattar aýdandyq tótenshe jaǵdaılar bóliminde 2 tehnıka ǵana bar, onyń biri aqaýy bar, jaramdylyǵy nashar kórinedi degendi aıtty .
Jyl basynan beri Torǵaı óńirinde onnan asa dala órti oryn alǵan. Qazir arnaıy qurylǵan komıssııa órttiń shyǵý sebebin anyqtaý, ólgen maldy, sharýashylyqqa kelgen shyǵyndy esepteý jumystaryn júrgizip jatyr. Komıssııanyń tolyq qorytyndysy áli shyqqan joq.
Aýyzeki jetken aqparat boıynsha, órt ishinde qalǵan 56 jastaǵy shopannyń artynda 8 balasy qalǵan.
Názıra Járimbetova,
«Egemen Qazaqstan»
Qostanaı