Qoǵamdyq keńes múshelerimen kezdesken aımaq basshysy Qumar Aqsaqalov aýyl sharýashylyǵy salasyn damytýdyń basym baǵyttaryn baıandaýmen qatar, tolǵaqty máselelerge de basa nazar aýdardy.
Astyqty ólke turǵyndarynyń 56 paıyzdan astamyn aýyldyqtar quraıdy. Demek, ekonomıkalyq belsendi adamdardyń negizgi bóligi aýyl sharýashylyǵy salasynda eńbek etedi degen sóz. Basty baılyǵymyz – jerge qatysty tutynýshylyq kózqarasty joıýǵa shaqyrǵan Qumar Irgebaıuly egistik alqaptardy ártaraptandyrý, mal sharýashylyǵyn órkendetý, eńbekaqy tóleý jaıyna keńinen toqtaldy. Bıyl maıly daqyldar alqaby 39 paıyzǵa ulǵaıtylyp, 712 myń gektarǵa jetkizildi. Bul – respýblıkalyq kórsetkishtiń úshten biri. Jasymyq alqaby 2,5 esege ósip, 195,5 myń gektar boldy. Alǵash ret 4,9 myń gektarǵa soıa egildi.
Sóz arasynda oblystyń astyq óndirisin ártaraptandyrý boıynsha atqarǵan jumystaryna Úkimet basshylyǵy tarapynan oń baǵa berilgenin aıta ketken jón.
– Reseıdiń shekaralas úsh oblysynda 6,5 mıllıonnan astam adam turatynyn eskersek, syrtqy naryqta zor áleýetke ıemiz. Qazirgi mindet – reseılikterdiń úlken suranysyna ıe ónimderdiń básekege qabilettiligin qamtamasyz etý, ótkizý naryǵyn keńeıte túsý. Osy múmkindikterdi tıimdi paıdalaný maqsatymen Reseıdiń úsh qalasynda saýda úılerin ashýdy josparlap otyrmyz. Olarda «Soltústik Qazaqstanda jasalǵan» markasymen otandyq taýarlar men ónimder satylatyn bolady, – dedi aımaq basshysy.
Odan ári ónerkásip, shaǵyn jáne orta bıznes, bilim, ǵylym, qyzmet kórsetý salalary aýyl sharýashylyǵyna negizdelýi tıistiligin, tutynýshylarǵa baǵdarlanýdy jolǵa qoıý qajettiligin atap kórsetti. Onyń aıtýynsha, óńirde qoljetimdi baǵaǵa sapaly tehnıkalar qurastyratyn zaýyttar bar bola tura, qarjynyń kóp bóligi tysqary jerlerge ketedi. Sondyqtan, mashına jasaý kásiporyndary otandyq, sol sııaqty sheteldik aýyl sharýashylyǵy tehnıkalary óndirisin jolǵa qoıýy kerek. 5 aıda 86,6 mıllıard teńgeniń ónerkásip ónimi shyǵarylyp, ótken jylǵa qaraǵanda 5,8 paıyzǵa kóbeıgen. Tapsyrys 30 mıllıard teńgege jeteǵabyl. О́ńir ekonomıkasyna 43,8 mılllıard teńge ınvestısııa tartyldy, ósim – 21,2 paıyz. Qytaı, Reseı, Lıtva kompanııalarynyń qatysýymen birqatar joba júzege asyrylmaq. «Iluka» transulttyq kompanııasy burǵylaý jumystaryna kirisip, mıneraldy qumdardyń qoryn anyqtaıtyn bolady. Osy negizde mıneraldy qumdardy óńdeıtin zaýyt qurylysy jobasy qolǵa alynady.
Q.Aqsaqalov jol-logıstıka ınfraqurylymy týraly da áńgimeledi. Bıyl jergilikti mańyzdaǵy 647 shaqyrym jol qalpyna keltiriledi. Reseı Federasııasy shekarasyna qaraı úsh baǵytta jóndeý jumystary júrgiziledi. Qoǵamdyq keńeste sý tasqyny da nazardan tys qalǵan joq. Kóktemde oblysta 380 úıdi sý basty, onyń 10-y tolyq jaramsyz dep tanyldy. Búginde 10 sý ótkizetin qurylys jóndeýdi qajet etedi. Tosyn apattan zardap shekken adamdar men múlikterdi qaýipsiz jerge kóshirý boıynsha barlyq shara atqaryldy. Materıaldyq shyǵyndarǵa ótemaqy retinde 294, 3 mıllıon teńge berildi.
Turǵyn úı alý kezegin barynsha qysqartý – negizgi áleýmettik mindetterdiń biri. Bıyl «Turǵyn úı qurylys jınaq banki» arqyly 1 myń páter salynady. «Nurly jer» turǵyn úı baǵdarlamasyn júzege asyrý aıasynda jalpy alańy 117,3 myń sharshy metrdi quraıtyn 15 turǵyn úıdi (1445 páter) paıdalanýǵa berý josparlanǵan. «Solnechnyı» kentinde jeke turǵyn úı qurylysyn júzege asyrý baǵdarlamasy iske asyrylady. Oblys ortalyǵynda 500-den astam nysan buzylady. Olardyń ornyna jańa turǵyn úıler, ámbebap tennıs ortalyǵy, teatr, IT-ortalyǵy bar oqýshylar saraıy boı túzeıdi. «Jas órken» shaǵyn aýdanynda 2045 páterlik 7 turǵyn úı kesheni salynady.
Keleli áńgime barysynda Qumar Irgebaıuly densaýlyq saqtaý, bilim berý, sport, jumyspen qamtý jáne kórkeıtý salalaryn damytýdyń negizgi jobalarymen tanystyrdy.
– Qazirgi aqparattyq tehnologııalar ǵasyrynda adamdardy memlekettik organdardyń ashyqtyǵy, aqparattyń ǵalamtor arqyly taralýy tolǵandyrady. Bular – meniń jumysymnyń basty qaǵıdasy. Birinshi kezekte memlekettik satyp alý, bıýdjettiń bólinýi máselelerine aıryqsha nazar aýdaramyn. Bul aqparat jergilikti atqarýshy organdardyń resmı ınternet-resýrstarynda tolyq kólemde berilýi tıis. Aýdandyq, qalalyq ákimdikterdiń saıttaryna ózim monıtorıng júrgizip otyramyn. Biz barynsha ashyq jáne qoljetimdi bolsaq, barlyq saýaldarǵa naqty jáne túsinikti jaýap bersek, adamdardy tolǵandyratyn máseleler azaıady. Turǵyndarmen keri baılanys jasaý men úshin mańyzdy. Ol bizdiń is-áreketimizdi saraptaýǵa jáne ózekti máselelerdi anyqtaýǵa kómektesedi, – dedi Qumar Aqsaqalov sóziniń sońynda.
О́mir ESQALI, «Egemen Qazaqstan»
Soltústik Qazaqstan oblysy